El táýelsizdiginiń 25 jyldyǵyna oraı HHHİ jazǵy Olımpıada oıyndaryna qatysýshy qazaqstandyq sportshylardy qoldaýǵa arnalǵan marafonǵa 200-ge jýyq adam qatysty. Shara barysynda árbir qatysýshy bıiktigi 522 metr bolatyn «Qazaqstan» taýyna júgirip shyǵyp, olımpıadashylarǵa óziniń qoldaýyn bildirdi.
Marafonǵa eńbektegen baladan, eńkeıgen qartqa deıin qatysty. Dálirek aıtsaq, bir jastaǵy sábı eń kishkentaı qatysýshysy retinde anyqtaldy. Sondaı-aq, shahardyń belsendi jastarymen qatar, sport ardagerleri de qalys qalmady.
Atalǵan sharaǵa belgili pavlodarlyq áýesqoı veloshabandoz Ómirjan Oshanov ta qatysty. Jýyrda Pavlodarqalasynan saıahatyn bastaǵan veloshabandoz Óskemen qalasy arqyly Mońǵolıa, Reseı jáne Qytaı elderine sapar shekpekshi. Óziniń bul saparyn ol Táýelsizdiktiń 25 jyldyǵyna arnap otyr.
Aıta ketsek, Rıoda ótip jatqan Olımpıada oıyndarynda 26 sport túrinenel namysyn qorǵaıtyn 104 sportshynyń 6-ýy Shyǵys Qazaqstan oblysynan qatysyp otyr.
