ShQO-da Rahman qainaryna aparatyn jańa tas jol salynbaq
Bul jaily Shyǵys Qazaqstan oblysy ákimdiginde ótken kezekti otyrys barysynda «QazAvtoJol» UK AQ ShQOF direktory Nýrlanbek Ómirbaev málimdedi.
– Qazirde jerdiń qunarly bóligi alynyp, jol qurylysyna daiyndyq jumystary bastalyp ketti. Tolyqqandy qurylys jumystary shilde aiynda bastalmaq. Sonymen qatar, 2017 jyly úsh jylǵa josparlanǵan Almaty-Óskemen, Omby-Maiqapshaǵai tas joldarynda kúrdeli jóndeý jumystary ótkiziledi, – dedi Nurlanbek Ómirbaev.
Aimaqta búgingi kúni respýblikalyq mańyzy bar joldar da jóndeýden ótip qana qoimai, qosymsha jabdyqtar da ornatylmaq. Atap aitsaq, joldyń qaýipti bóliginde júrgizýshiniń nazaryn aýdarý úshin dybys jolaqtaryn jáne jaryq diodty jol belgilerin ornatý jasparlanǵan.
Óz kezeginde oblys ákimi Danial Ahmetov jalpy jumys barysyna oń baǵasyn bere otyryp, jóndeý jumystary barysyndaǵy problemalardy da nazardan tys qaldyrmaýdy tapsyrdy.
ShQO ákimi baspasóz qyzmeti
