Sonymen qatar eskirgen 6 mádeniet nysanyna kúrdeli jóndeý jumystary júrgizilenin de aita ketýimiz kerek. Jalpy oblysta 169 klýbtyq mekeme, 170 kitaphana, 6 mýzei, 1 teatr jumys isteidi. Budan basqa oblys aýmaǵynda 321 eskertkish bar, onyń 8-i respýblikalyq, 313-i jergilikti mańyzy bar eskertkishter qatarynda.
Biyl óńirde qazaq tarihynda esimderi altyn árippen jazylǵan tulǵalar Zamanymyzdyń zańǵar jazýshysy Muhtar Áýezovtiń 125 jyldyǵyna, Ahmet Baitursynulynyń 150 jyldyǵy, sondai-aq, Májit Begalin, Mánshúk Mámetova, Tólegen Mombekov, Izǵutty Aityqov, Aitkesh Tolǵanbaev syndy jandardyń mereitoilary keń kólemde atylyp, óskeleń urpaqqa nasihattaý úshin bir qatar buqaralyq, tanymdyq is-sharalar ótti.
Shalǵaidyǵy eldimeken men aýdan, aýyl, qalalarda «Ulttyq Rýhani Jańǵyrý» jáne «Aýyl – El besigi» jobalaryn iske asyrý aiasynda teatrlar men kontserttik uiymdar oblys kólemendi gastroldik týrlar ótkizip, ónerge sýsap qalǵan jurtqa rýhani lázzat syilady.
Óńirdegi óner, mádeniet salasynda atqarylyp jatqan jumystardyń tizbegin ShQO mádeniet basqarmasynyń basshysy Nurbolat Ahmetjanov bylai jalǵastyrdy.
– Máselen biyl dańqty qolbasshy Daraboz Qabanbai batyrdyń 330 jyldyǵyna orai Tarbaǵatai aýdany Aqjar aýylynda mádeni-mańyzdy is-shara uiymdastyrylyp, keń kólemde atalyp ótti. Al «Ertis kontsert» kontserttik uiymy sońǵy 10 aidyń qorytynydysy boiynsha 60-tan astam is-shara ótkizgen. Aǵymdaǵy jyly oblystyq drama teatrynda 232 spektakl qoiylyp, kórermenderdiń alǵysyna ie boldy.
Shyǵys Qazaqstan oblysynyń ákimi Danial Kenjataiuly arheologiia salasyna erekshe kóńil bólýde. Nátijesinde óńirde arheologiia salasyndaǵy ǵylymi-zertteý jumystarynyń baǵdarlamasyn iske asyrý jalǵasyn tabýda. Aǵymdaǵy jyly qazba jumystary qola dáýirinen erte saq dáýirine deiingi ótpeli kezeńdegi qonys Aqbaýyrda, ejelgi túrki ýaqytyn qamtityn Eleke sazynda, Kúrshim aýdanyndaǵy Aqjailaý qonysynda, Berelde úlken jumystar júrýde. Bul – jobalarǵa Qazaqstannyń beldi arheologtary Zeinolla Samashev pen Ábdesh Tóleýbaev jetekshilik etýde, – deidi Nurbolat Ahmetjanov myrza.
Oblysta 2018 jyldan beri qolǵa alynǵan igi bastamanyń biri, Shyǵys Qazaqstannyń ádebi murasyn nasihattaýǵa baǵyttalǵan «Abai álemi» kitaptar seriiasymen ádebi joba júzege asyrylýda. Maqsaty – óńirdegi aqyn-jazýshylardyń bai murasyn keńinen nasihattaý.
Kóptegen dúnie buryn esh jerde jaryq kórmegen. Abai, Shákárim, Muhtar Áýezovtiń shyǵarmalary keńinen dáriptelýde. Sonymen qatar jas aqyn-jazýshylardyń eńbekteri de jaryqqa shyǵýda.
Aitalyq, 2018-2022 jyldar aralyǵynda taralymy 53 myń danaǵa jýyq, 69 kitap shyqqan. Aǵymdaǵy jyly 6,5 myń dana taratylymmen 13 kitap oqyrmanǵa jol tartqanyn aita ketýimiz kerek.
Al óńirdegi oqyrmandardyń suranysyn qanaǵattandyrý úshin biyl oblystaǵy kitaphanalar 5431 jańa kitaptarmen tolyqty. Jalpy aimaqta barlyǵy 170 kitaphana jumys isteidi, kitap qory 3 million danany quraidy.
Shyǵys Qazaqstan oblysynyń óńirlik kommýnikatsiialar qyzmeti alańynda ótken brifingte mádeniet basqarmasynyń basshysy Nurbolat Ahmetjanov keler jylyda óner, mádeniet salasynda úlken jumystar atqarylatynyn da atap ótti. «2023 jyly Ulan aýdany Asýbulaq kentindegi aýyldyq klýb ǵimaratyna, Shemonaiha aýdany Verh-Ýba aýylynyń mádeniet úiine, Tarbaǵatai aýdany Jetiaral aýylyndaǵy mádeniet úiiniń ǵimaratynyń jóndeý jumystaryna jalpy somasy 208,5 mln. teńgege kóleminde qarjy qarastyrylǵan» – dedi Nurbolat Qadyruly.
