Elbasy Nursultan Nazarbaevtyń bıylǵy Qazaqstan halqyna arnaǵan Joldaýyndaǵy segizinshi baǵytta memlekettik basqarýdyń tıimdiligin arttyrý jáne elimdegi bıznes ortanyń hal-ahýalyn jaqsartý týrasynda jan-jaqty aıtqan bolatyn.
Jalpy, Shyǵys Qazaqstanda memleket pen jekemenshik arasyndaǵy áriptestikti nyǵaıtý baǵytyndaǵy jumystardy júıeli túrde iske asyp keledi desek bolady. Bizdiń bul sózimizge SHQO Ekonomıka jáne búdjetti josparlaý basqarmasynyń 2015 jyly konsesıalyq baǵyttaǵy 11 kelsim-shartqa qol qoıyp, Óskemen qalasynda 6, Semeıde 5 balabaqshanyń salynyp, paıdalanýǵa berilgeni aıqyn dálel bolady.
Al 2017 jyly mundaı kelsim-sharttardyń sany 65 jetip, óńirde jekemenshiktiń áriptestigi aıasynda 64 balabaqsha jáne 1 sport nysany salýǵa qol jetkizildi.
– Memleket pen jekemenshik áriptestik arasyndaǵy jumystar óz nátıjesin bergennen keıin bizder 2017 jyldyń qazan aıynda konsesıalyq baǵyttaǵy taǵy eki jobany iske asyrýdy jón dep taptyq. Bul – jobaǵa Óskemen qalasynda 300 oryndy kópsalaly emhananyń qurylysy (21 mlrd. teńge) men Zyrán qalasyndaǵy ortalyq jylý júıesine rekonstrýksıalyq jumystar júrgizý (quny 2,6 mlrd. teńge) isi enip otyr. Aldaǵy ýaqytta konkýrstyq baıqaýda jeńiske jetken kásipkerlermen kelsim-shartqa otyryp, qurylys jumystary bastalady, – dedi basqarma qyzmetkerleri.
Al 2018 jyly SHQO Ekonomıka jáne búdjetti josparlaý basqarmasy Semeı qalasynda 200 oryndy qalalyq aýrýhanany jekemenshik áriptestik aıasynda kúrdeli jóndeýden ótkizý isi 16,2 mlrd. teńge jumsaýdy kózdep otyr.
Jalpy Shyǵys Qazaqstanda memleket pen jekemenshik áriptestik arasyndaǵy konsesıalyq baǵyttaǵy 168 jobany júzege asyryp, oǵan 163,5 mlrd. teńge jumsaǵanyn aıta ketýimiz kerek.
https://dalanews.kz/34071
