QMA Shyǵys Qazaqstan oblysy boiynsha departamenti zańsyz kásipkerlik qyzmet faktisi boiynsha tergep-tekserýdi aiaqtady, dep habarlaidy Dalanews.kz.
Shyǵys Qazaqstan oblysy Shemonaiha aýdanynda ornalasqan «Glinkovskoe» ken ornynda JShS basshysy paidaly qatty qazbalardy zańsyz óndirý men ótkizýdi uiymdastyrǵan.
Kompaniianyń litsenziiasy tek geologiialyq barlaý jumystaryn júrgizýge ǵana quqyq bergen.
Alaida paidaly qazbalardy ónerkásiptik kólemde óndirýge ruqsat bolmaǵan.
Soǵan qaramastan, is júzinde temir quramdy taý jynysyn óndirý, ony qaita óńdeý, jinaqtaý jáne ishki naryqta, sondai-aq Qytai Halyq Respýblikasyna ótkizý jumystary júrgizilgen.
Aýyr arnaiy tehnikany qoldaný qorshaǵan ortaǵa teris áser etip, jer bederiniń tabiǵi qalpynyń buzylýyna jáne jerdiń tozýyna ákep soqqan.
Zańsyz óndirilgen ónimniń jalpy kólemi 70 myń tonnadan asqan.
Alynǵan qylmystyq tabys somasy 1 mlrd teńgeden asqan.
Atalǵan qarajatqa kúdiktiler jyljymaly jáne jyljymaityn múlik: biznes-ortalyq, Almaty qalasyndaǵy páter, «LAND ROVER RANGE ROVER» markaly avtokólik, 2 avtoturaq orny jáne 2 jer telim satyp alǵan.
Sot sanktsiiasymen atalǵan múlikke tyiym salyndy.
Aita keteiik, buǵan deiin Departament Shyǵys Qazaqstan oblysynyń Ulan aýdany aýmaǵyndaǵy «Shybyndy» jáne Samar aýdanynyń «Kenkaryn» ýchaskelerinde aýyr arnaiy tehnika men ónerkásiptik jabdyqtardy paidalana otyryp, altyndy zańsyz óndirýmen ainalysqan eki qylmystyq toptyń qyzmetin toqtatqan.
Atalǵan zańsyz áreketter orman alqaptarynyń kesilýine, ózen arnalarynyń ózgerýine jáne topyraqtyń qunarly qabatynyń joiylýyna ákelip, ekologiiaǵa eleýli ziian keltirgen.
Zańsyz ken óndirýdi toqtatý tabiǵi ortanyń odan ári búlinýiniń aldyn alyp, óńirdiń ekologiialyq qaýipsizdigine tóngen qaterdi joiýǵa múmkindik berdi.
