Aǵymdaǵy jyldyń ekinshi jartyjyldyǵynda iske qosylatyn óndiris ornyna qazirde zamanaýı jabdyqtar ornatylýda. Bul jaıly Aımaqtyq komýnıkasıalar qyzmetinde ótken baspasóz máslıhaty barysynda Kúrshim aýdanynyń ákimi Seısenǵazy Chýkaev málimdedi.
– Zaýyt tolyqtaı iske qosylǵannan keıin jylyna 8 mln teńge kóleminde 10 tonna shujyq jáne 5,5 mln teńgege 17 myń dana konservilik ónim shyǵarady, – dedi Seısenǵazy Chýkaev.
Ótken jyldyń ózinde Kúrshim aýdanynda aýyl sharýashylyǵynyń jalpy óniminiń kólemi 26356,4 mln. teńgeni qurap, 2015 jylmen salystyrǵanda 8,8 paıyzǵa ósken. Qazirgi tańda aýdanda 18 asyl tuqymdy sharýashylyq tirkelgen, onyń 11 ara sharýashylyǵy, 3 iri qara, 3 jylqy sharýashylyǵy jáne 1 múıizdi usaq mal sharýashylyǵymen aınalysyp keledi.
