Qazaqstanda 2023 jyldyń 3 naýryzynan bastap halyqtyń qaryzdyq júktemesin azaitýǵa baǵyttalǵan «QR azamattarynyń tólem qabilettiligin qalpyna keltirý jáne bankrottyǵy týraly» Zań kúshine endi. Onyń ShQO-da iske asyrylýy týraly ShQO boiynsha Memlekettik kirister Departamenti basshysynyń orynbasary Qazybek Qoishinov Óńirlik kommýnikatsiialar qyzmeti alańynda málimdedi,– dep habarlaidy Dalanews.kz
Qazybek Qoishinovtyń aitýynsha, zań kúshine engen sátten bastap oblysta sottan tys bankrottyq rásimine 5 927 ótinish túsken. Onyń ishinde 651 azamat bankrot dep tanylyp, 4 145 ótinishke bas tartylǵan.
Sot arqyly bankrottyq rásimine 91 ótinish berilgen: 22 adam bankrot dep tanyldy, 15 is boiynsha rásim jalǵasýda, qalǵan ótinishter qaraýsyz qaldyrylǵan nemese keri qaitarylǵan. Tólem qabilettiligin qalpyna keltirý rásimin 19 turǵyn tańdaǵan - onyń ishinde 8 is boiynsha qaryzdardy qaita qurylymdaý jospary bekitildi.
Zańda úsh túrli rásim qarastyrylǵan:
* Sottan tys bankrottyq – qaryz mólsheri 1 600 AEK-ke deiin bolǵan jaǵdaida, 12 ai ishinde tólem júrgizilmese jáne tirkelgen múlik bolmaǵan kezde qoldanylady. Ótinishter Egov portaly nemese HQKO arqyly beriledi. Rásim alty aiǵa deiin sozylady.
* Sot bankrottyǵy – qaryz mólsheri 1 600 AEK-ten asqan jaǵdaida júrgiziledi. Bul rásim qarjy basqarýshysynyń qatysýymen ótedi. Jalǵyz baspana kepilde bolmasa, azamattyń ózinde qalady.
* Tólem qabilettiligin qalpyna keltirý – bankrot dep tanylmai, qaryzdardy bes jylǵa deiin bólip tóleýdi kózdeidi.
Qazybek Qoishinov atap ótkendei, bankrot dep tanylǵan azamattar bes jyl ishinde jańa nesie rásimdei almaidy. Qaita bankrottyq rásimi tek jeti jyldan keiin múmkin bolady. Sonymen qatar aliment, densaýlyqqa keltirilgen ziiandy óteý jáne qylmystyq aiyppuldar boiynsha mindettemeler joiylmaidy.
Keńes alý úshin óńir turǵyndary Óskemen qalasy, Permitin kóshesi, 27-úi, 108-kabinet mekenjaiyndaǵy MKD-ǵa júgine alady nemese 8 (7232) 70-15-58, 24-25-62 telefondary arqyly habarlasa alady.
