Shókeev Túrkistandy abbattandyrý jumystaryn pysyqtady
Qaladaǵy ekoahýaldy jaqsartý úshin jan-jaqty jumystar júzege asýda. Oblys ortalyǵynda qolǵa alynǵan jańa jobalardyń barysymen tanysqan óńir basshysy Ómirzaq Shókeev merdigerlermen kezdesip, kei tustaryna ózgerister engizdi.
Jasyl jelekterdi gidrantty júiemen sýarý ádisimen, Parasat baǵynyń aýmaǵyn tiimdi paidalaný jobasymen tanysty.
Jalpy aýmaǵy 30 gektar jerge jaiǵasqan jasyl aýmaqty kógaldandyrýǵa investorlar qol ushyn sozbaq. Olar munda 3 myń túp aǵash otyrǵyzyp, 600 myń gúl ekpek.
Osylaisha, saiabaq aýmaǵyn gúl ósirýge arnalǵan erekshe jylyjaiǵa ainaldyrý jobasyn iske asyrmaq. Saiabaqta aǵash kóshetterin ósirý aýmaǵyn qurý jospary aiasynda 10 gektar jerge terek, qaraǵash, shynar, úieńki aǵashtarynyń 60 myń kósheti otyrǵyzylmaq. Tamshylatyp sýarý júiesi júrgiziledi.
Sondai-aq oblys ákimi Turan men Otbasy saiabaqtarynda qolǵa alynatyn kógaldandyrý jumystarynyń jańa jobasymen tanysty. Jaýapty tulǵalarǵa naqty tapsyrmalar júktedi.
