Shókeev Tokio Olimpiadasyna qatysatyn sportshylarǵa sáttilik tiledi
Qazaqstan ulttyq qurama komandasynyń sapynda óner kórsetetin Túrkistan oblysynyń 5 sportshysy el namysyn qorǵaidy. Bul oblystar arasyndaǵy eń jaqsy kórsetkishterdiń biri. Kezdesýde demeýshiler esebinen árbir sportshyǵa 1 mln teńge, olardyń bapkerlerine 300 myń teńgeden qarjylai syilyq tabystaldy. Ómirzaq Estaiuly Olimpiadadan jeńispen oralǵan sportshylardy úlken tosyn syi kútip turǵanyn aitty.
Dúniejúziniń sport súier qaýymynyń nazaryn aýdartatyn tórtjyldyqtyń basty dodasynda Túrkistan oblysynan boksshy Səken Bibosynov, dziýdodan Didar Hamza, baidarka jəne kanoe esýden Natalia Sergeeva, parakanoedan Bibarys Spatai men akademiialyq esýden Aziia qurlyǵy elderinde kósh bastaǵan sportshy Vladislav Iakovlev baq synaityn bolady.
Talai tartysty dodadan ozyq shyǵyp, Olimpiadanyń lizentsiiasyn jeńip alǵan sportshylarǵa Túrkistan oblysynyń əkimi Ómirzaq Shókeev sáttilik tilep, aqyl-keńes berdi.
– Árbir jeńis-úlken eńbektiń jemisi. Jeńiske degen nyq senim bolý kerek. Túrkistan oblysynyń 2 million halqy – sizderdiń jankúierlerińiz. Táýelsizdik alǵaly 30 jyldyń ishinde sportshylarymyz elimizdiń namysyn joǵary deńgeide qorǵap, ǵalamat jetistikterge jetkizdi. Sol jeńimpazdardyń jolyn bersin. Qurylǵanyna endi ǵana 3 jyl bolǵan Túrkistan oblysynyń alǵashqy Olimpiada jeńimpazdary retinde tarihta qalatyndaryńyzǵa senimdimin. Sizderdi jeńispen kútemiz, – dedi Túrkistan oblysynyń ákimi Ómirzaq Shókeev.
Oblys ákimimen kezdesý barysynda sportshylar joǵary deńgeide daiyndyqpen jolǵa shyǵyp, jeńispen oralatyndaryna senim bildirdi.
– Biz tek jeńis úshin kúresemiz. Kez kelgen sportshynyń armany – Olimpiadada jeńis tuǵyran kóriný. Sondyqtan buiyrǵan múmkindikti jiberip almaý úshin bar kúshimizdi salamyz, – dedi baidarka jəne kanoe esýden Olimpiada litsenziiasynyń jeńimpazy Natalia Sergeeva.
Aita keteiik, álemdik pandemiiaǵa bailanysty bir jylǵa shegerilgen jazǵy Olimpiada oiyndary 23 shilde men 8 tamyz aralyǵynda Japoniianyń Tokio qalasynda ótedi. Litsenziiaǵa ie bolǵan barlyq sportshylar koronavirýsqa qarsy ekpe aldy.
