Aimaq basshysy Jaýshyqum massivindegi 12 myń gektardan astam alańdaǵy sý taratqysh jáne sorǵy stantsiiasyn qaita qurý jobasyn pysyqtady. Sýarmaly jerdiń qosylýy nátijesinde 2,5 myń gektar jerge kókónis, 2 myńdai gektarǵa kartop, 3 myń gektardan astam jerge baqsha, myń gektardan astam alqapqa súrlemdik júgeri, 3 myń gektardan asa jerge jońyshqa egilip, jyl saiyn 11 mlrd teńgege 523 myń tonna kóleminde azyq-túlik jáne mal azyqtyq ónimderi óndiriletin bolady.
– Memlekettik baǵdarlamalar arqyly aýyl-aimaqtyń áleýeti arta túsýde. Túrkistan oblysy agrarlyq aimaq sanalatyndyqtan jáne aýyl sharýashylyǵynyń bolashaǵy jerdiń sapasy men qunarlyǵyna tikelei bailanysty bolǵandyqtan, atalǵan máseleni sheshý mańyzdy, – dedi oblys ákimi Ómirzaq Shókeev.
Oblys ákimimen kezdesken aýyl diqandary eki aida pisetin qarbyz ben bolgar buryshyn ekken. Sharýalar 1 gektardan 1,5 mln teńgege deiin tabys tabatyndaryn aitty. Sońǵy jyldary aýdanda kúrish ósirý myqtap qolǵa alynǵan.
Oblys basshysy 40 jyldan astam ýaqyt buryn qabyrǵasy qalanǵan «Shardara» mektep-litseiin aralady. 6 myń sharshy metrge jýyq jerde ornalasqan bilim uiasy kúrdeli jóndeýdi qajet etedi. Ol úshin 350 million teńgeden astam qarajat qajet. Mektepte 1500-den astam jýyq oqýshy oqidy. Bilim uiasyn aralap shyqqan oblys basshysy máseleni maquldady.
Ómirzaq Shókeev Shardara qalasyndaǵy jedel járdem stantsiiasy bar, aýysymynda 150 kelýshige arnalǵan aýdandyq emhanaǵa japsarlas salý ǵimaratynyń qurylysymen tanysty.
Oblys basshysyna sondai-aq, Shardara qalasynyń Abai, Qyzyljar shaǵynaýdandaryn kvartalishilik gaz júieleriniń qurylysy boiynsha baiandaldy. Jobanyń smetalyq quny – 767 mln teńgeden asady. Respýblikalyq biýdjetten biyl 300 mln qarjy qaralǵan. Joba boiynsha shaǵynaýdandardaǵy 8 myńǵa jýyq turǵyn gazben qamtylady.
