Jalpy, qalada sý tazartý stantsiiasyndaǵy sý tazartqyshqa nebári 3000-6000 kýb aralyqta sý jinalady. Tutynýshylar sanynyń artýyna bailanysty buryńǵy sý jinaǵysh rezervýardan bólek, 10 000 kýbqa deiin sý jinaityn jańa sý jinaǵysh rezervýaryn salýdy jáne «Aq bulaq» baǵdarlamasyna enbei qalǵan jeke sektordaǵy úilerdi aýyz sýǵa qosý úshin qujattary ázirlenip, memlekettik saraptamaǵa ázirlenýde. Jumystar júzege asqan kezde qala turǵyndary tolyqqandy jańa sý qubyry arqyly aýyz sýmen qamtylatyn bolady.
Sapar barysynda óńir basshysy «HEVEL KAZAKHSTAN» JShS kún elektrostantsiiasy qurylys jumystarymen tanysty. Shaharda júzege asyp jatqan tyń jobalarǵa qatysty jaýapty tulǵalarǵa naqty tapsyrmalar júktedi.
Sonymen birge, Ómirzaq Estaiuly Kentaýdaǵy kópqabatty turǵyn úilerdiń aýlalaryn abattandyrý jumystarymen tanysty. Onyń aiasynda aýlalarǵa balalar oiyn alańshalary jańartylyp, sport alańdary salynyp jatyr. Oblys ákimi sondai-aq, kúrdeli jóndeý jumystary aiaqtalǵan «Jastar» saiabaǵynda boldy. Shahardy turǵyndar úshin jaily qalaǵa ainaldyrýǵa baǵyttalǵan bastamalarǵa oń baǵa berdi.
Sondai-aq, oblys ákimi «Kentaý Transformator zaýytynda» boldy. Zaýyt basshylyǵy bir ýaqytta 6 adamnyń jumysyn atqara alatyn japondyq Yaskawa Motoman dánekerleýshi-robot jumysymen tanystyrdy. Robot dánekerleý sapasyn arttyrýǵa jáne kásiporynnyń ónimdiligin joǵarylatýǵa arnalǵan.
Kentaý transformator zaýyty – elektr energetika, metallýrgiia, mashina jasaý, kólik, munai-gaz keshenin jáne turǵyn úi-kommýnaldyq sektoryn qosa alǵanda, ekonomikanyń barlyq salalary úshin jetkiziletin, keń qoldanysqa arnalǵan transformatorlyq jabdyqtarynyń jetekshi qazaqstandyq óndirýshisi. Zaýyttyń ónimi úlken suranysqa ie jáne Resei, Qyrǵyzstan, Ózbekstan, Armeniia, Tájikstan elderine eksporttalady. Kásiporyn sapaly transformatorlardy ǵana emes, energiia únemdeitin transformatorlardy shyǵarady.
