Bul týraly búgin Aqparattyq-kommýnikatsiialyq ortalyǵynda ótken baspasóz májilisinde Shymkent qalasy ákiminiń birinshi orynbasary Shyńǵys Muqan málimdedi.
– Biyl Shymkent qalasynyń ákimi Murat Áitenovtiń ideiasymen úshinshi megapolis Naýryz meiramyn «Naýryz – Shymkentten bastalady» atty megajobamen bastady. Bul jobanyń ideiasy júzege asyp, búkil Qazaqstan halqy osy aida Shymkentke betteitindei toilaý úshin birneshe jyl kerek.
Oǵan qosa, negizgi maqsaty – parsy jáne túrki halyqtary Ulystyń uly kúnin halyqaralyq deńgeide toilaityn merekege ainaldyrý.
Iaǵni, búkil álem halqy Japoniiaǵa Sakýranyń gúldeýine, Gollandiiaǵa raýshan gúlin izdep baratyndai deńgeige jetkizý. Bul merekeniń missiiasy men filosofiiasy – osy, – dedi Sh.Muqan.
Brifing barysynda Shyńǵys Jumabekuly halyq jappai merekelik serýenge shyǵatyn kúnderge toqtaldy.
– Shymkent qalasy byltyrdan beri «jasyl aimaqta» tur. Ótken táýlikte koronavirýs infektsiiasyn juqtyrýdyń 36 jaǵdaiy tirkeldi. Árine, jalpy alǵanda asa kóp emes.
Biraq epidemiologiialyq ahýal qalypty bolyp turǵan joq. Sol sebepti Shymkent qalasynyń turǵyndary halyq jappai merekelik serýenge shyǵatyn 21, 22, 23 naýryz kúnderi Ulystyń uly kúnin jyldaǵydai dástúrli túrde toilai almaidy.
Al biz tizimin bekitken 10 kúndik merekelik is-sharalar televiziialyq formatqa kóshiriledi, – dedi qala ákiminiń birinshi orynbasary.
Osy oraida Shymkent qalalyq Mádeniet, tilderdi damytý jáne arhivter basqarmasynyń basshysy Hanzada Esenova merekelik is-sharalar tóńireginde sóz qozǵady.
– «Naýryz – Shymkentten bastalady» megajobasy aiasynda búginge deiin 50-den asa is-shara ótti. Onyń ishinde ashyq alańdaǵy baǵdarlamalar aýa-raiynyń qolaisyzdyǵyna bailanysty kontserttik zaldarǵa aýystyryldy. Bul rette merekelik keshter barlyq sanitarlyq talaptyń saqtalýymen ári kelýshilerdiń sany shektelýmen uiymdastyryldy. Al búginnen bastap búkil merekelik is-sharany televiziialyq formatqa kóshirip, qorymyzdy keremettei sáttermen toltyrýdy josparlap otyrmyz, – dedi Hanzada Ázimhanqyzy.
Aita keteiik, «Naýryz – Shymkentten bastalady» atty jobasy aiasynda qalada 14 naýryz – «Kórisý» kúni, 15 naýryz – «Jer-kók» tabiǵat kúni, 16 naýryz – «Shejire» kúni, 17 naýryz – «Tarihqa taǵzym» kúni, 18 naýryz – «Igi ister» kúni, 19 naýryz – «Shymyrlyq pen sheberlik» kúni, 20 naýryz – «Ziiatkerlik» kúni, 21 naýryz – «Ulttyq taǵamdar» kúni, 22 naýryz – «Ulystyń uly» kúni jáne 23 naýryz – «Joralǵy» kúni bolyp belgilengen.
Shymkent qalasynyń Aqparattyq-kommýnikatsiialyq ortalyǵy
Foto – Serik Qosai
