Energo-koých, biznes-trener Nurlan Janaidyń áieli Nurly Oqas jelide jazba jariialap, jubaiynyń jyldar boiy jasyrǵan ekijúzdi ómirin áshkereledi, dep habarlaidy Dalanews.kz.
"Men – eki balanyń anasy, kópshilik aldynda ózin "energo-koých", biznes trener, "adamdarǵa ómir úiretýshi" dep tanystyryp júrgen Nurlan Janaidyń áielimin.
Bul jazbany jazbasqa amalym qalmady. Sebebi úndemeý – járdem berý", - dep jazdy ol.
Avtordyń sózinshe, birneshe kún buryn kúieýiniń telefonyn kezdeisoq qarap otyryp, onyń jas assistentimen intimdik hattaryn oqyp qoiǵan.
"4 kún buryn onyń telefonyn kezdeisoq qarap , assistenti – jas qyzben intimdik hattaryn oqyp qaldym. Sol qyz sol kúni meniń úiimde boldy– shai ishti, balalaryma “ápke” bolyp erkeledi, kúlip-oinap otyrdy. Biraq úiden shyqqan soń, ekeýi gostinitsaǵa baryp, iship, tósektes bolǵan. Meniń kózimshe meiirimdi bolyp, artymnan baryp aramdyq jasaǵan adamdy... men kúnde úiime kirgizip júrgen ekenmin", - deidi ol.
Ol hattardy oqi kele, bul – jai bir rettik oqiǵa emes ekenin túsingen.
"Burynnan beri jalǵasyp kelgen, júieli túrde kezdesti me, bárin bir Alla biledi. Anyǵy men illiýziiada ómir súrippin. Ainalamnyń bári bilgen. Dostary da bilgenin aityp jatyr.Qyzdarǵa jazǵan habarlamalary, skrinderi bar. Balalarym úshin ǵana salmai otyrmyn. Óte jiirkenishti. Eń soraqysy, osy jaitty TikTok pen Instagram arqyly biletin basqa da áielder maǵan óz oqiǵalaryn jazdy.
Iaǵni, ol tek bir emes, birneshe qyzben, jyldar boiy kózime shóp salyp, ózin el aldynda "rýhani ustaz" etip kórsetip júrgen", - dep qosty ol.
Jazba avtorynyń aitýynsha, kúieýi tek opasyz emes, sonymen qatar ony qaryzǵa belshesinen batyryp ketken.
"Ol tek satqyn emes. Ol – meni qaryzǵa batyryp ketken adam. Shottary buǵattalǵan soń, kólikti meniń atyma rásimdep, keiin lombardqa qoiyp jiberdi. Endi kólik te joq, aqsha da joq. Aryz jazsam ba, joq pa dep júrgende, qaryz bergen adamdar maǵan habarlasyp, qorqyta bastady. Men eki balamen, jylap otyrǵan áiel emespin – qazir men kúresip jatqan anamyn", - deidi ol.
Jazba sońynda ol bul úndeýdi janjal úshin emes, shyndyqty ashý maqsatynda jazǵanyn atap ótti.
"Júz myńdaǵan adam onyń posttaryn oqyp, keńesine senip júr.
Ol ózin "aqylgói", "erler men áielderdiń oiatýshysy", "energiiamen jumys isteimin" dep kórsetip júr.
Al shyndyǵynda – óz áieline opasyz, balalaryna jaýapsyz, qaryzǵa belshesinen batyryp ketken adam.
Meniń úndeýim – “shyndyqty bilmeitinderge shyn beinesin kórsetý”.
Ol endi meniń kúieýim emes. Ol endi meniń otbasymnyń bir bóligi de emes", - dep sózin qorytyndylady ol.
