Basqosýǵa "Nur Otan" partiiasy Shymkent qalalyq filialy tóraǵasynyń orynbasary Muratáli Qalmuratov, jazýshy, jýrnalist, qoǵam qairatkeri Marhabat Baiǵut, M. Áýezov atyndaǵy OQÝ prorektory Sáken Májinbekov, qalalyq máslihattyń depýtaty Ráshkúl Ospanálieva, "Azamattyq Alians" QB tóraǵasy Jumaǵali Bilisbekov, "Shymkent kelbeti", "Panorama Shymkenta" gazetteriniń bas redaktory Baqtiiar Taijan, QR Jýrnalister Odaǵy Shymkent qalalyq filialynyń tóraǵasy, "Ońtústik" telearnasynyń direktory Ýáli Qydyrov, "Qarataý dástúrli óner" mektebiniń direktory Birjan Baitýov, "Dýstlik" ózbek etnomádeni birlestikteri qaýymdastyǵynyń tóraǵasy Ikramjan Hashimjanov, Tokio Olimpiadasynyń qola júldegeri Darhan Asadilov, "Rýhani jańǵyrý" óńirlik jobalyq keńsesiniń meńgerýshisi Záýre Oralbaeva qatysty.
Alqaly jiynda sóz alǵan Shyńǵys Jumabekuly Qazaqstannyń sońǵy úsh onjyldyqtaǵy memlekettik qurylystaǵy tarihi serpilisiniń, ártaraptandyrylǵan naryqtyq ekonomikany qurýda úshinshi megapolistiń alar orny erekshe ekenin jetkizdi.
Qala halqynyń 52 paiyzy egemendik alǵan 30 jyldyń ishinde dúniege kelgenin jáne shahar turǵyndarynyń ortasha jasy 28-di quraǵanyn aitty. Sondai-aq, aitýly jyldy shaharda keń kólemde merekeleý barysyn atap ótti.
Egemendik alǵaly elimizde kóptegen aýqymdy jobalar atqarylyp, sonyń jemisin kórip kelemiz. Osy jetistikterdiń ishinde Shymkent qalasy men jurtshylyǵynyń alatyn úlesi edáýir. Táýelsizdiktiń 30 jyldyǵyn keń kólemde qamtý maqsatynda basqarmalar men aýdan ákimdikterinen usynystar jinaqtalyp, ár aiǵa arnaiy ataýlar berilgen. Bul rette biyl birinshi jartyjyldyqta qala boiynsha Táýelsizdigimizdi ulyqtaǵan 175 is-shara ótkizildi. Onyń ishinde respýblikalyq 74 aýqymdy is-sharaǵa 45 myńnan astam adamdy qamtyldy. Bul jumystar áli de óz jalǵasyn tabatyny sózsiz, - dedi Shyńǵys Muqan.
Dóńgelek ústel barysynda qatysýshylar Táýelsizdiktiń 30 jyldyǵy aiasynda Shymshaharda atqarylǵan jumystar men jetken jetistikterdi talqylady. Sonymen qatar, "Týǵan qala" atty beinerolikti tamashalady.
