Shymkenttikter «ýatsappen» qoǵamdyq tártipti saqtaýǵa kóshti
Máselen, reformanyń 30-qadamy aiasynda jergilikti politsiia qyzmeti qurylyp, qoǵamdyq qaýipsizdikti qamtamasyz etý úshin velopolitsiia men jol qaýipsizdigine jaýapty áýe baqylaýy jumysyn bastaǵan. Sonymen qatar, jergilikti politsiia qyzmetiniń jumysyn júieleý úshin 8 701 0130102 «ýatsap» servisi iske qosylyp, ortaq qaýipsizdikti saqtaýǵa qala turǵyndary da atsalysýda. Máselen, sońǵy úsh kúnde atalǵan qyzmet túri arqyly 42 ótinish kelip túsken.
«Ult josparyndaǵy 76 qadam – bilim salasy boiynsha ótken jyldan bastap Shymkenttegi bilim salasyna jańa júieler engizilip, bilim oshaqtaryna elektrondy basqarý aqparattyq-baǵdarlamalyq kesheni engizilýde. Sonymen birge, qala mektepteriniń direktorlaryn taǵaiyndaý ashyq júrgizilip, 5 mekteptiń basshysy osy konkýrs negizinde taǵaiyndaldy. Munan bólek, bilim berý mekemelerinde «qamqorshylyq keńesi» qurylyp, túrli kómekter boiynsha jumysyn bastasa, qaladaǵy 37 mektep tanymal oqytý ádistemesi – Syndarly oqytý teoriiasynyń» oqý sapasyna áserimen tanysý úshin Nazarbaev Ziiatkerlik mektepterimen tájiribe almasý jáne pedagogikalyq qaýymdastyq qurý maqsatynda memorandým túzdi, – dedi qala ákiminiń orynbasary.
Baspasóz jiynynda Q.Nurtai «100 naqty qadamnyń» 99-qadamy qoǵamdyq keńester qurý boiynsha da jumystardyń júrgizilgenin baiandap, taiaýda onyń múshelerine qala basshysynyń atqarylǵan jumystar boiynsha esep bergenin jetkizdi. Elbasynyń Ult josparyna qoiǵan basty máselesi – úsh tuǵyrly tilge kóshý aiasynda da aityp bergen Q.Yrzaqululy Shymkenttegi eresek turǵyndardyń 87,3 paiyzy memlekettik tildi, 79,8 paiyzy qazaq jáne orys tilderin, 15 paiyzy qazaq, orys tilderimen qatar, aǵylshyn tilin meńgergenin habarlady. Sondai-aq, sporttaǵy jasalyp jatqan jumystardy da jetkizgen ákim orynbasary barlyq isterdiń Memleket basshysynyń saiasatynyń aiasynda júrip jatqanyn aitty.
OQO ákiminiń baspasóz qyzmeti
