– Týǵan qaıyn apam meni anasynyń úıine túski asqa shaqyrǵan bolatyn. Sol jerde bolashaq jarym Nurjanmen alǵash ret kezdestik. Ol kezde telefon nomerimdi de alǵan joq. Sol kezdesýden keıin bir aı boıy habarlasqan da joq. Tek birneshe ýaqyttan keıin áriptesim, Nurjannyń ápkesi habarlasyp «İnim nomerińdi surap jatyr, bereıin be? Kınoǵa baryp qaıtarsyńdar. Unamaı qalsa bir kınoǵa tegin baryp qaıtqan bolasalasyń» dep kúldi. Men de kelisimimdi berdim. Sebebi mennen 7 jas úlken Nurjannyń symbatty, sulý ekeni esimde edi, – dep kúledi aktrısa.
Mine osy kezdesýden keıin Saltanattyń Nurjanǵa degen qyzyǵýshylyǵy burynǵydan da kúsheıe túsipti.
– Sypaıy, ónerimdi syılaıtyn azamatpen kezdeskenime qýanyp qaldym.
Tipti onyń sózderinen, qylyqtarynan Shymkenttiń týmasy ekenin baıqaǵan da joqpyn.
Biraq onyń naǵyz qazaqsha tárbıedegi azamat ekenin keıinnen túsine bastadym. Minezdiligin moıyndaımyn. Ata-enem de eshqashan meni «kelinsiń, bizdiń degenimiz» bolady degen sıaqty qatal ustaǵan emes. Bizdiń baqytymyz- túsinistikte dep aıta alamyn, – deıdi ánshi.
Osydan keıin jas qyzdarǵa óz keńesin bere ketti.
– «Shymkenttikter kelindi qatty ustaıdy. Tym qazaqy» degen syndy bolmashy dúnıelerge jalpylama qarap, ómirlerińizdi qurtpańyzdar. Bastysy adamǵa baılanysty. Sizdi súıetin adamdy durystaý, jaqynyraq tanyp alyńyz. Al onyń qaı aımaqtyń týmasy ekeni mańyzdy emes», – deıdi Saltanat Baqaeva.
Derekkózi: stan.kz
https://dalanews.kz/31888
