Shymkenttegi Qoshqar ata ózeniniń bastaýynda jańa shaǵynaýdan salynady
Jańartylýy tiis aýdannyń jalpy kólemi – 29 gektar. Endi Qoshqar ata ózeniniń oń jaǵalaýyndaǵy 460 nysan súrilmek. Sonyń ishinde 420 jekemenshik úi bar. Sáýletshilerdiń josparynsha, bul nysandar súrilgen soń ornyna 9 jáne 12 qabatty 61 úi, balabaqsha salynady. Al mundaǵy mektep keńeitilip, tanymastai ózgeredi deidi jaýaptylar. Kommertsiialyq nysandar da salynbaq, degenmen, olar halyqqa qatty kedergi keltirmeýi tiis. Olar ádettegi tynysh shaǵynaýdandardaǵy sekildi nysandar bolmaq.
Al úilerdi memleket muqtajyna alý máselesi birtindep sheshilmek. Bul tusta birneshe jol qarastyrylǵan. Mysaly, birinshi jospar boiynsha turǵyndardy ýaqytsha úilerge kóshirip, qurylys aiaqtalǵan soń burynǵy úileriniń aýdanymen teń bolatyn páter beriledi. Al ózge jospar boiynsha turǵyndardyń úileri baǵalanyp, satyp alynbaq. Endi bul eki joldy turǵyndardyń ózderi tańdaidy.
Buǵan qosa qazirgi tańda Qoshqar ata ózeniniń bastaýynan Ordabasy alańyna deiingi saǵasyn keńeitý jobasy talqylanýda. Ol júzege asqan soń ózen tanymastai ózgeredi deidi jaýaptylar. Olar ózen jaǵasynda ósip turǵan aǵashtardy tolyq saqtap qalamyz dep sendiredi.
OQO ákiminiń baspasóz qyzmeti
