Shymkentte uiymdasqan qylmystyq top sottaldy, dep habarlaidy Dalanews.kz.
2023–2024 jyldar aralyǵynda «A» esimdi azamat basshylyq etken qylmystyq top «Telegram» áleýmettik jelisi arqyly asa iri kólemde psihotroptyq zattardy zańsyz daiyndap, saqtap, satyp kelgen.
Top músheleri Shymkent qalasynda esirtki zerthanalaryn ashyp, prekýrsorlardy paidalaný arqyly esirtki zattaryn óndirýmen, satýmen ainalysqan.
Arnaiy operatsiia júrgizý barysynda qylmystyq toptyń 4 múshesi ustalyp, olardan 3 kgasa psihotroptyq zattar, zerthana jabdyqtary men qarajattar tárkilendi.
Shymkent qalasynyń qylmystyq ister jónindegi mamandandyrylǵan aýdanaralyq sotynyń 19.09.2025 jylǵy úkimimen atalǵan azamattar qylmystyq top qurý jáne oǵan qatysý, sondai-aq asa iri kólemde psihotroptyq zattardy satý, daiyndaý, óńdeý jáne saqtaý, qylmystyq jolmen kelgen múlikti zańdastyrý faktileri boiynsha kináli dep tanylyp, 10 jyldan 15 jyl 6 aiǵa deiingi merzimge bas bostandyǵynan aiyryldy.
