200-ge jýyq adamnyń basyn qosqan halyqaralyq forýmǵa kredittik seriktestikter, «QazAgro» Holdingi, «Atameken» UKP men Qazaqstan qarjygerleri qaýymdastyǵynyń ókilderi qatysty. Budan ózge, Resei men Litvadan arnaiy kelgen kredittik kooperatsiia jetekshileri de bar.
Aita keteiik, elimizdegi kredittik seriktestikterdiń damý tarihy sonaý 2001 jyldan bastaý alady. Kredittik seriktestik institýty qurylǵaly beri, 16 jyl ishinde olardyń sany 187-ge jetti. Alǵash qurylǵan kezde qatysýshylardyń sany 800-den aspaǵan bolsa, qazirgi tańda kredittik seriktestik qatysýshylarynyń sany 15 600-di qurap otyr. Osy ýaqytqa deiin nesie seriktestikteri arqyly sharýalarǵa 241 milliard teńgeniń 40 myńnan astam zaimy berilgen.
Forým aiasynda «Kredittik seriktestikterdiń damý strategiiasy: qarjy institýty retinde kredittik kooperatsiianyń bolashaǵy», sondai-aq kredittik seriktestikter úshin servister men qyzmetter jaiy talqylandy. Nesielik seriktestik ókilderi ásirese Resei jáne Litvadaǵy kredittik kooperatsiia institýttarynyń damý tájiribesine qyzyǵýshylyq tanytty.
Forým aiasynda «AÓK kredittik seriktestikter qaýymdastyǵy» zańdy tulǵalar birlestigi men Litvanyń kredittik odaqtar qaýymdastyǵy arasynda yntymaqtastyq jóninde memorandýmǵa qol qoiyldy. Iaǵni, kórshi elderdiń kooperativtik baýyrlastyǵy sóz júzinde emes, is júzinde iske asyp otyr. Forým sońynda úzdik kredittik seriktestik ókilderi arnaiy diplomdarmen marapattaldy.
OQO ákiminiń baspasóz qyzmeti
