Shymkentte birneshe úıge zańsyz kirip, baǵaly zattardy urlaǵan qylmystyq top ustaldy, dep habarlaıdy Dalanews.kz.
Tergeý málimetine sáıkes, bes adamnan quralǵan top bir aı ishinde shamamen on turǵyn úıge kirip, tek altyn áshekeılerdi urlaǵan. Olardyń jalpy quny 20 mıllıon teńgeni quraǵan. Kúdiktiler úıge kóbinese tereze arqyly kirip otyrǵan.
Quqyq qorǵaý organdary altyn buıymdardyń bir bóligin ıelerine qaıtardy. Qazirgi ýaqytta ustalǵandar ýaqytsha ustaý ızolátoryna qamaldy. Polıseıler olardyń basqa da uqsas qylmystarǵa qatysy bar-joǵyn anyqtap jatyr.
