Esterińizge salsaq, qalada JRVI men pnevmoniiamen aýyrǵandar sanynyń kúrt ósýine bailanysty qala ákimdigi 15 kún buryn sport kesheninen kúndizgi statsionar ashqan bolatyn.
Statsionarda alǵashqy birneshe kúnde 500-den 700-ge deiin turǵyn emdeldi. Búginde qalada epidemiologiialyq jaǵdai turaqtala bastady.
Sondyqtan sońǵy bes kún ishinde statsionarǵa kelýshilerdiń sany kúnine 25 adamǵa deiin azaidy, iaǵni kúndelikti statsionarǵa ár emhanadan eki-úsh emdelýshi keldi.
Sondai-aq, emhanalar janyndaǵy kúndizgi statsionarlarda qosymsha tósek-oryndardyń ashylýyna bailanysty atalǵan sport keshenindegi statsionar qyzmetine júginý qajettiligi tómendedi.
Osy sebepti qala ákimdigimen jeńil atletika arenasyndaǵy kúndizgi statsionardyń jumysyn toqtata turý týraly sheshim qabyldandy. Búginde sport kesheninde tiisti dezinfektsiialyq tazartý jumystary júrgizilip, ondaǵy birqatar jabdyqtar emhanalarǵa berildi.
Aita keteiik, jumys kestesine sáikes kúnine saǵat 08:00-20:00 aralyǵynda qalanyń barlyq emhanalarynan kelgen 50-den astam meditsina qyzmetkerleri meditsinalyq kómek kórsetti.
