Shymkentte 8 qańtarda túngi saǵat 03:55-te OQO TJD kezekshi bólimine Halyqtar dostastyǵy kóshesinde eki qabatty barak tárizdi úıde jarylys (aldyn ala boljam boıynsha gaz jarylǵan) bolǵany habarlanǵan. Qıraǵan úıdiń aýmaǵy 64 sharshy metrdi quraǵan, - dep habarlaıdy Otyrar.kz OQO TJD baspasóz qyzmetine silteme jasap. 

04:07-de oqıǵa ornyna qutqarýshylar kelip jetken, olardyń quramynda jeke quramnyń 11 adamy jáne eki arnaıy tehnıka. Apatty-qutqarý sharalary barysynda tórt adam úıindiler arasynan shyǵarylǵan. Olardyń úsheýi aýrýhanaǵa jetkizilgen, al bireýi aýrýhanada jatýdan bas tartqan. Oqıǵa ornynda bir adam qaıtys boldy.

 

Úıindiler arasynan 2015 jyly týylǵan sábı tabylǵan, birer mınýttan soń balanyń ákesi tabyldy. Sol jerden náresteniń anasy óli kúıinde tabyldy. 04:32-de jáne 04:53-te taǵy eki adam úıindiler astynan shyǵarylǵan.


Apatty-qutqarý sharalary barysynda OQO Tótenshe jaǵdaılar departamentiniń qyzmetkerleri - 23 adam jáne 3 arnaıy tehnıka, apatty-qutqarý jasaǵynyń 44 adamy jáne 6 arnaıy tehnıkasy (olardyń ishinde kınolog mamandar men ıtter, medısınalyq-psıhologıalyq qyzmettiń mamandary), órt sóndirý jáne apatty-qutqarý jumysynyń - 17 adamy men 4 arnaıy tehnıkasy, Apatty medısınalyq ortalyǵynyń 3 qyzmetkeri, 4 jedel járdem kóligi quramynda 16 adam jáne 4 arnaıy tehnıka tartyldy.

OQO İİD 30 qyzmetkeri oqıǵa bolǵan jerdi qorshaýǵa aldy, sonymen qatar 4 energetıka jáne gaz salasynyń mamandary osy aýdandaǵy elektr qýaty men gazdy óshirdi.




Derekkózi: kaz.tengrinews.kz