Aıta keteıik, atalǵan memorandým bank pen ákimshiliktiń ózara baılanysyn bekitip, aımaqtyń damýyna, qarjylyq qyzmetter men áleýmettik jobalardy júzege asyrý arqyly jergilikti halyqtyń ıgiligi men ómir sapasyn jaqsartýǵa sebepshi bolady.
Oblys basshysy Janseıit Qanseıituly jańa qarjy ınıstıtýtynyń zaman talabyna saı el ekonomıkasy men halyqtyń ál-aýqatyn kóterýde úles qosatynyna senim bildirdi.
«Elimizdegi qarjy ınstıtýttarynyń ishinde «ForteBank» AQ alar orny erekshe. Sondyqtan ońtústik kásipkerlerimen ózara birlesken jobalar jasaýǵa, oblystaǵy ónerkásip pen shaǵyn jáne orta bıznes salasyna nesıelik járdem jasaýǵa septigi tıedi degen senimdemin» -dedi Janseıit Qanseıituly.
Óz kezeginde, mártebeli meımandar da aımaq basshysyna alǵysyn bildirip, birlese jumys isteýge daıyn ekenin jetkizdi.
Ekijaqty kelisimge oraı aldaǵy ýaqytta kórsetiler qyzmet túrleriniń arnasy keńip, qarjylaı qoldaý jasaý jalǵasyn tabatyn bolady.
Eske salsaq, 2016 jyly qurylysy bastalǵan bank ǵımaraty 10 aı ishinde paıdalanýǵa berildi. Nysannyń jalpy aýmaǵy 3 300 sharshy metrdi quraıdy.
Búgingi tańda respýblıka boıynsha 2 mln astam klıentke qyzmetin usynyp otyrǵan atalǵan qarjy uıymynyń oblysymyzda 280 myńnan astam tutynýshysy bar. Sondaı-aq 5000-ǵa tarta zańdy tulǵalarmen jumys isteıdi. Shymkenttegi bas keńseden bólek oblys aýmaǵynda 7 bólimshesi jumys atqarýda. «ForteBank» AQ Ońtústik Qazaqstan oblysyndaǵy fılıalynda 220 adam qyzmet atqarady.
"Forte Bank" aksıonerlik qoǵamy 20 jyldan astam elimizdegi úzdik 10 banktiń qatarynda qarjylyq qyzmetin usynyp keledi. Qarjy uıymynyń respýblıka boıynsha 19 oblystyq fılıaly, 150 bólimshesi bar.
Oӊtústik Qazaqstan oblysynda "Bıznestiӊ jol kartasy 2020" bıznesti qoldaý men damytýdyӊ biryӊǵaı baǵdarlamasy sheӊberinde kásipkerlerdiӊ banktegi kredıtteri boıynsha syıaqy stavkasyn sýbsıdıalaý baǵytymen "Forte Bank" AQ arqyly jalpy kredıt somasy 4 522,2 mln. teӊgeni quraıtyn 39 jobaǵa qoldaý kórsetilgen.
OQO ákiminiń baspasóz qyzmeti
