Aita keteiik, EKSPO – 2017 kórmesinde Ońtústik Qazaqstan oblysynyń mádeni kúnderi ótedi. Oblystan 610 adamnan quralǵan 17 shyǵarmashyl ujym qatysyp, ónerlerin kópshilikke usynady. Onyń ishinde jergilikti 22 qolóner sheberleri de bar.
«Mádeni shara barysynda «Qazynaly Ońtústik» qolóner sheberleri men sýretshilerdiń kórmesi, kontserttik baǵdarlamalar, ońtústikte túsirilgen animatsiialyq filmder men kórkem filmder kórsetiledi. Sondai-aq J.Shanin atyndaǵy oblystyq akademiialyq qazaq drama jáne orys drama, qýyrshaq, ázil-syqaq jáne satira teatrlary men Ońtústik - Tsirktiń qoiylymdary Astana jurtshylyǵy men kórme qonaqtarynyń kózqýanyshyna ainalady dep kútilýde.
Ońtústiktiń mádeni kúnderi QR Mádeniet jáne sport ministrligi bekitilgen kestege sáikes ótkiziletin bolady. Merekelik kontsertte Sh.Qaldaiaqov atyndaǵy oblystyq filormoniianyń «Súgir» atyndaǵy ult aspaptar orkestri, Tumar folklorlyq ansanbli «Qazyna»,«Tumar» bi ujymdary óner kórsetedi dep kútilýde. Sonymen qatar oblystyq opera jáne balet teatrynyń simfoniialyq orkestri, hory, jeke solisteri, balet trýppasy, «Big-bend» estradalyq djaz ansanblderi kópshilikke óz ónerlerin pash etpek.
Budan bólek, EKSPO qalashyǵynyń amfiteatrynda «Nuryn shashqan – Ońtústik» atty Ońtústik Qazaqstan oblysy óner sheberleriniń gala-kontserti uiymdastyrylady.
Sonymen qatar Astanadaǵy «Qazanat» ippodromynda boi kóteretin etnoaýylda Ońtústik Qazaqstan oblysynan talapqa sai birneshe kiizúi tigiletin bolady.
OQO ákiminiń baspasóz qyzmeti
