Shymkent qalalyq soty 2025 jylǵy mamyrda osy megapolıs turǵynyn terorızmdi nasıhattaǵany úshin kináli dep taýyp, 7 jylǵa bas bostandyǵynan aıyrdy, dep habarlaıdy Dalanews.kz.
UQK tergegen qylmystyq is aıasynda ol aınalasyndaǵy adamdardy óltirýge shaqyryp, dinı negizde zorlyq-zombylyqty aqtaǵany anyqtaldy.
Budan bólek, maýsymda UQK materıaldaryna sáıkes, sondaı-aq Atyraý jáne Aqtóbe oblystary sottarynyń sheshimderimen dindarlar arasynda terorızmdi nasıhattaǵany úshin elimizdiń eki azamaty tıisinshe 7 jáne 6 jylǵa bas bostandyǵynan aıyrý jazasyna kesildi.
Sonymen birge, fıgýranttardyń jalpy qylmys jasaǵany jáne terorıstik belsendi aımaqtarǵa shyǵýǵa áreketi úshin sottylyǵy bolǵan.
Atalǵan adamdarǵa qatysty úkim zańdy kúshine endi.
Jalpy bıylǵy jyldyń basynan UQK tergegen qylmystyq ister boıynsha 52 adam, onyń ishinde 2 sheteldik azamat terorıstik jáne ekstremıstik qylmystar jasaǵany úshin túrli merzimge bas bostandyǵynan aıyryldy.
Taǵy 52 adamǵa qatysty tergeý jalǵasýda.
