Shymkentte dári-dármek shyǵaratyn taǵy bir zaýyt salynady
Birlesken kásipkerlik top biylǵy jyly Shymkentten dári-dármek pen meditsinalyq qoldanǵysh zattar shyǵaratyn zaýyt ashqaly otyrǵanyn jetkizdi. Jobanyń quny 34 mln AQSh dollaryn quraidy. Dári-dármektiń 50 túrin shyǵarýǵa niettenip otyrǵan kompaniia basshylyǵy «Tassai» indýstrialdy aimaǵynan 7 gektarǵa jýyq jer telimin berýdi ótindi.
Sondai-aq olar Shymkent qalasyndaǵy «Sofia Towers» jáne «Arman» turǵyn úi jáne saýda ortalyqtarynyń qurylysyn bastaǵaly otyrǵanyn baiandady. Birneshe jyldan beri qurylysy toqtap turǵan qos keshenniń irgetasy aldaǵy mamyr aiynda qalanǵaly otyr. Kásipkerler bul jobalardy Birikken Arab ámirligimen birlesip iske asyrady. Qurylysqa baǵyttalatyn investitsiianyń 60 paiyzyn arab kásipkerleri quimaqshy eken.
Kásipkerlerdiń jobalarymen tanysqan aimaq basshysy qolǵa alynǵan jobalardy aiaqsyz qaldyrmai, mejelengen merzimde bitirýge shaqyrdy.
«Jobalaryńyz jaqsy. Dári-dármek shyǵaratyn zaýyttaryńyzǵa «Tassai» indýstrialdy aimaǵynan jer bólýge kómektesemiz. D. Qonaev dańǵylynda boi kóteretin «Sofia Towers» turǵyn úi kesheni men Adyrbekov kóshesinde ornalasqan «Arman» turǵyn keshenin de merzimnen kesheýildetpei aiaqtaý kerek. Birikken Arab Ámirligindegi qarjylyq uiymmen birlesip kelisimge qol qoiyp otyr ekensizder. Sáttilik tileimiz. Eń bastysy – qolǵa alynǵan jumys júieli ári sapaly atqarylýy kerek» , - dedi Janseiit Qanseiituly.
Óz kezeginde Birikken Arab Ámirliginiń úkimet múshesi sheih Hassan Abdýlkarim Habib myrza oblys ákimine alǵysyn bildirip, jobalardy qarjylandyrýda qolbailaý bolmaityndyǵyn jetkizdi.
«Ýaqyt bólip arnaiy qabyldaǵanyńyzǵa alǵysym sheksiz. Ońtústik Qazaqstan oblysynyń áleýetimen tanysyp shyǵyp, keremet áser aldym. Qazaqstandyq kásipkerlermen birigip, osy óńirde birqatar jobalardy qolǵa alǵaly otyrmyz. Alǵa qoiǵan maqsat-mindetter joǵary deńgeide oryndalady degen senim mol» ,- dedi sheih Hassan Abdýlkarim Habib Mansýr Alherz.
Kezdesý sońynda aimaq basshysy Arab elinen kelgen arnaiy qonaq pen otandyq kásipkerlerdi «Shymsiti» jobasymen tanystyryp, usynys-pikirleri eskeriletinin jetkizdi.
OQO ákiminiń baspasóz qyzmeti
