Shymkent qalasynyń prokýratýrasy tekserý nátijesimen biýdjetke 24 mln teńge sýbsidiia qaitaryldy, dep habarlaidy Dalanews.kz.
Atap aitqanda, agroónerkásiptik keshen sýbektileriniń sút óniminiń qunyn tómendetý boiynsha usynǵan ótinimderinde jalǵan aqparat berý arqyly sýbsidiialardy zańsyz alý faktilerin anyqtady.
Qala prokýratýrasy aýyl sharýashylyǵy taýaryn óndirýshige qatysty 12 mln teńgeni jymqyrý faktisi boiynsha Qazaqstan Respýblikasy Qylmystyq kodeksiniń 190-babynyń 3-bóligi (iri kólemdegi alaiaqtyq) boiynsha qylmystyq is qozǵap, sotqa joldady.
Prokýrorlyq qadaǵalaý aktisi negizinde Shymkent qalasy Aýyl sharýashylyǵy jáne veterinariia basqarmasynyń 6 laýazymdy tulǵasy, onyń ishinde basqarma bastyǵynyń orynbasary tártiptik jaýaptylyqqa tartyldy.
Sotqa deiingi tergep-tekserý barysynda memleket kirisine 24 mln teńge óndirildi.
