Qarjylyq monitoring agenttigi Shymkent qalasy boiynsha departamenti asa iri kólemde biýdjet qarajatyn jymqyrýǵa qatysty qylmystyq is boiynsha tergeý amaldaryn aiaqtady, dep habarlaidy Dalanews.kz.
Shymkent qalasynyń Ál-Farabi aýdany ákimi apparatynyń basshysy óziniń qyzmettik laýazymyn paidalanyp, JShS direktorymen jáne quryltaishysymen aldyn ala sóz bailasý arqyly biýdjet qarajatyn jymqyrý áreketine barǵany anyqtaldy.
Kúdiktiler qoqys jáshikteri, shaǵyn besedkalar, átkenshekter, oiyn jáne trenajer alańdaryn qosa, turǵyn úilerdiń aýlasyn abattandyrý jumystaryn júrgizý úshin, materialdardyń qunyn kóterip smetalyq qujattar jasaǵan.
Osy is-áreketterdiń nátijesinde 700 mln teńgege jýyq memlekettik múlik talan-tarajǵa túsken.
Sonymen qatar, JShS direktory men quryltaishysy deklaratsiialarǵa jalǵan málimetter engizý arqyly salyq tóleýden jaltarǵan.
Qabyldanǵan sharalar nátijesinde 194 mln teńgeden astam salyq bereshegi tolyq óteldi.
Sot úkimimen úsh aiyptalýshy kináli dep tanylyp, 8 jylǵa bas bostandyǵynan aiyrýǵa sottaldy.
Úkim zańdy kúshine engen joq.
