Shymkentte 300 myńnan astam qyzǵaldaq egildi
Ózderińiz biletindei, qyzǵaldaq - qalamyzdyń simvoly. Sondyqtan da bul gúldiń túri Shymkentte kóptep egilýi zańdy. Biylǵy jyly qalada 320 myń shamasynda qyzǵaldaq egildi. Bul názik kóktem gúli sýburqaq keshenderi men qala kóshelerin áshekeilendirip, qyzyldy-jasyldy alýan túrli ósimdik qalanyń ajaryn asha tústi.
Shymkentke Polshadan ákelingen qyzǵaldaqtyń tuqymyn mamandar qańtar aiynda otyrǵyzǵan. Olardyń aitýynsha, qyzǵaldaqtyń tuqymyn qysta otyrǵyzý qalypty tájiribe, óitkeni qar astynda jaily sezinedi.
Gúldiń bul túri ejelgi parsy ańyzdarynda madaqtalǵan. Shyqqan mekeni Parsy eli bolyp tabylatyn qyzǵaldaqty álemge áigili etken Niderlandy memleketi.
