Shymkent ákimi qarttardy merekesimen quttyqtady
Murat Dúisenbekuly ardagerlerdiń shańyraqtaryna arnaiy baryp, olardy merekemen quttyqtady. Búkil ómirin qajyrly eńbekke arnaǵan qarttarǵa qurmet kórsetip, estelik syilyqtar tartý etti.
Qoǵam qairatkeri Nurmahanbet Ájimetulyn mereili merekemen quttyqtai kelgen qala basshysy aǵa býynnyń Otanǵa degen súiispenshiligi jas urpaq úshin árdaiym úlgi-ónege bolaryn aitty.
Nurmahanbet Ájimetuly 1927 jyly Qazyǵurt aýdany, Qazyǵurt aýylynda dúniege kelgen. Partiia, keńes qyzmetkeri, qoǵam qairatkeri. Ońtústik Qazaqstan oblysynyń jáne Qazyǵurt, Tólebi, Túlkibas, Alǵabas, Keles aýdandarynyń Qurmetti azamaty. Jubaiy Nurekenova Rabigúl — Qazaq KSR-i halyq aǵartý isiniń ozyq qyzmetkeri. Ul-qyzdary joǵary bilimdi mamandar.
Murat Áitenov tyl ardageri Nina Lychaginanyń da otbasynda bolyp, ardager apamyzǵa jyly lebizin bildirdi. Shahar basshysy ár isi izettilik pen úlgi-ónegege toly qadirmendi qariialardyń elge sińirgen eren eńbegi urpaq sanasynda máńgi saqtalaryn jetkizdi.
Nina Lychagina 1927 jyly Voronej oblysy, Gribanov aýdanynda týǵan. Oqýdy bitirgen soń 1946 jyly Ońtústik Qazaqstan oblysyna joldama alyp, munda 1946-1960 zootehnik mamandyǵymen jumys istegen. Al, 1974-1986 jyldary oblystyq meminspektsiiada aýyl sharýashylyq ónimderin satyp alý jónindegi bas memlekettik inspektor bolyp qyzmet etti. Qariia sol jyldardaǵy eren eńbeginiń arqasynda «Eńbek Qyzyl Tý» jáne «Qurmet belgisi» ordenderimen nagradtalǵan. Búginde nemeresiniń otbasynda turady.
Aita keteiik, búgingi kúni Shymkent qalasynyń máslihat hatshysy men qala ákiminiń orynbasarlary jáne aýdan ákimderi 70-ten astam ardagerlerdiń otbasyna baryp quttyqtaityn bolady.
Shymkent qalasy ákiminiń baspasóz qyzmeti
