Shyǵys Qazaqstan oblysynda 77 myńnan astam tumaýǵa qarsy "Grippol pliýs" vaktsinasy satyp alyndy. Onyń quramyna úsh komponent kiredi: eki A shtammy, onyń ishinde pandemiialyq H1N1, sondai-aq bir V shtammy.
Osy maqsatta jergilikti biýdjetten 68 mln. teńge bólindi. Bul ótken jylmen salystyrǵanda eki ese kóp.
Aita ketý qajet, tumaýǵa qarsy immýndaýǵa - qaýip tobyna kiretin halyq jatady. Búgingi kúni vaktsina jabyq mekemelerde – sábi jáne bala úileri, mektep – internattar, qarttar úileri, dispanserlik esepte turǵan sozylmaly somatikalyq aýrýlarmen aýyratyn adamdardy, sondai-aq 2-3 trimestrdegi júkti áielderdi, 60 jastan asqan adamdardy jáne sozylmaly aýrýlarmen aýyratyn azamattardy immýndaý úshin meditsinalyq uiymdarǵa bólindi.
Osy sanattaǵy azamattar úshin bul rásim tegin bolyp tabylady.
Alaida, qaýip-qater tobyna kirmeitin adamdar turǵylyqty jeri boiynsha meditsinalyq uiymdarda aqyly negizde Niderlandy óndirisiniń «Infliývak» vaktsinasyn saldyrýyna bolady, onyń quny 2460 teńgeni qurap otyr.
Tumaýǵa qarsy immýndyq sharalardy júrgizý úshin oblys aýmaǵynda 67 arnaiy kabinet ázirlengen:
1. Óskemen qalasy boiynsha:
- ambýlatorlyq ortalyq, Abai dańǵyly 18, tel.75-42-96;
- № 2 Emhana, Býrov kóshesi 61, tel. 26-84-39, 57-76-83;
- Sátbaev dańǵyly 34/1, Tel. 61-20-46.
2. Semei qalasy boiynsha:
- "Garmoniia" Otbasylyq emhanasy, Dostoevskii kóshesi, 97, tel. 52-04-97;
- Semei qalasynyń №2 emhanasy" ShJQ KMK, Baitýrsynov kóshesi, 27, tel. 77-01-36;
- "Hakim" emhanasy, Kabelnyi tuiyq kóshesi, 1, tel. 30-96-98";
- №6 aralas úlgidegi emhana, Shákárim dańǵyly, 149 úi, tel. 50-63-33.
"Jeke mysal retinde tumaýǵa qarsy vaktsinatsiianyń mańyzdylyǵyn bizge, memlekettik qyzmetkerlerge kórsetýge týra keldi. Bir jyl buryn men tumaýdan ekpe jasadym, jyl boiy ózimdi jaqsy sezingenimdi atap ótkim keledi.
Sondyqtan jańa qysqy maýsym qarsańynda bul tájiribeni qaitalaý óte paidaly boldy. Aita ketý kerek, tumaýǵa qarsy vaktsinalar jyl saiyn jańartylyp otyrady. Dúniejúzilik densaýlyq saqtaý uiymy búkil planetada tumaýdyń belsendi shtammdaryn qadaǵalaidy, sodan keiin osy qysta adamzatqa kandai qaýip tóndirýi múmkin degen qorytyndy jasaidy", – deidi Shyǵys Qazaqstan oblysy ákiminiń orynbasary Ásem Núsipova.
Biylǵy jyly Ulttyq profilaktikalyq egý kúntizbesi aiasynda óńir turǵyndarynyń 10% tumaýǵa qarsy egý josparlanǵan.
Mamandardyń aitýynsha, bul qoǵamda "ujymdyq immýnitet" alýǵa múmkindik beredi.
Sońynda, birneshe keńes: egý aldynda árbir adam terapevt dárigerinen nemese JTD-dan tekserýden ótýi tiis. Dáriger vaktsinatsiia júrgizý úshin qarsy aiǵaqtardyń bolýyn nemese bolmaýyn anyqtaidy. Ózimen birge jeke kýálikti alý kerek. Egýden keiin qorǵanysh antideneler jetkilikti mólsherde organizmde 10-14 kúnnen keiin paida bolady. Vaktsina osy epidemiologiialyq maýsymda asa ózekti bolyp tabylatyn tumaý virýsynyń túrlerinen qorǵaýdy qamtamasyz etedi.
