Jalpy, naýryz aıynan beri oryn alǵan sý tasqyny saldarynan Shyǵys Qazaqstan oblysy aýmaǵynda 1371 úıdi sý basqan. Búginde Buqtyrma ózeniniń sýy 1,5 metrge kóterilip, Zyrán aýdanynda 308 úı qyzyl sýdyń qursaýynda qalyp tur. Oblystyń tótenshe jaǵdaı qyzmeti bir aı boıyna oblys boıynsha 1371 adam sý tasqynan qutqaryp, qaýipsiz jergen kóshirgeni belegili. Al 2 sáýirdegi jaǵdaı boıynsha 1914 adam turǵylyqty jerine qaıta oralǵan.
Apat shyǵynyn anyqtap jatqan komısıanyń aldyn ala tartqan málimeti boıynsha óńirde sý tasqynynyń saldarynan 83 úı turýǵa jaramsyz bolyp qalǵan. Olardyń – 7-i Óskemen qalasynyń, 35-i Aıagóz, 21-i Glýbokoe, 16-y Shemonaıha jáne 4-i Katon-Qaraǵaı aýdanynyń enshisine tıip otyr.
Óńirde sý tasqynynyń zardabyn joıý úshin 407 arnaıy tehnıka, tótenshe jaǵdaılar qyzmeti, Ulttyq gvardıa, ákimdik, komýnaldyq qyzmet ókilderi jumyldyrylǵan. Osy rette tasqyn sýdy aýyzdyqtaýǵa oblys boıynsha 3100 erkiti de óz úlesin qosqanyn aıta ketýimiz kerek.
Oblystyq ákimdiktiń rezervtik qorynan sý tasqynynyń saldaryn joıýǵa 689,2 mln. teńge qarastyrýda. Búginde onyń 195 mln. teńgesi ıgerililip úlgerdi. Bólingen qarjynyń 80 mln. teńgesi Aıagózge, 40 mln. teńgesi Shemonaıhaǵa, 75 mln. teńgesi Glýbokoe aýdanyna baǵyttalǵan.
Al oblystaǵy "Paryz" qorynan tasqanan zardap shekkenderge baspana satyp alý úshin 150 mln. teńge bólinipti. Sonymen qatar tasqynan zardap shekken aýdandarda «Shemonaıha Bolashaq», «Nash gorod Zyránovsk», «Damý», «Aıagóz Bolashaq», «Asyl» dep atalatyn qaıyrymdylyq qorlary qurylyp, qarjylaı kómekter túse bastaǵan. Sonymen qatar qarjylaı-materıaldyq kómek Astana qalasy, Pavlodar, Batys Qazaqstan, Soltústik Qazaqstan jáne Almaty oblystarynan baǵyttalǵanyn da aıta ketýimiz kerek.
https://dalanews.kz/35139
