Óńirimizdiń jas hokkeishileri baq synaǵan básekeniń jabylý saltanynda Shyǵys Qazaqstan oblysy ákiminiń orynbasary Ásem Núsipova sportshylarǵa jyly lebizin bildirdi.
Shaibaly hokkeiden «Juldyzsha» oblystyq balalar-jasóspirimder saiysynyń aqtyq oiyndary oblys ortalyǵynda naýryzdyń 1 men 5 aralyǵynda ótti. Jeńimpaz ben júldegerlerdi anyqtaý úshin aidyn ielerinen bólek, Semei, Ridder qalalarynyń jáne Glýbokoe, Zyrian aýdandarynyń jas hokkeishileri jarys jolyna shyqty. Aita keteiik, Zyrian aýdanynda ótken irikteý oiyndaryn Shyǵys Qazaqstan oblysynyń ákimi Danial Ahmetov arnaiy baryp tamashalady. Úzdikter kishi jáne eresek toptar arasynda anyqtaldy. Kishi top boiynsha, iaǵni, 2006-2007 j.t., sportshylar arasynda júldeli úshinshi oryn Asanov Rýslannyń qol astynda jattyǵyp júrgen Glýbokoe aýdanynyń hokkeishilerine buiyrdy. Dál osy jas ereksheligi boiynsha kúmis medal Zyrian aýdany quramasynyń qorjynyna ketti. Al, kishi top arasyndaǵy shaibaly hokkeiden oblystyq «Juldyzsha» balalar-jasóspirimder saiysynyń jeńimpazy ataǵyna Óskemen qalasynyń komandasy qol jetkizdi. Eresek top, iaǵni, 2004-2005j.t., sportshylar arasynda úzdik úshtikti jattyqtyrýshysy Aleksei Kolpakov bastap kelgen Zyrian aýdanynyń ujymy túiindedi. Jarystyń kúmis júldesi Ridder qalasynan kelgen komandaǵy buiyrsa, Semei qalasynyń quramasy atalmysh saiysta top jardy. Uiymdastyrýshylar úzdik oiyn órnegin kórsetken birqatar oiynshylardy arnaiy marapattady. Kishi top arasynda Glýbokoe quramasynyń oiynshysy Bekzat Mýsin «Oblystyq «Juldyzsha» balalar-jasóspirimder týrniriniń úzdik shabýylshysy» dep tanyldy. Al, joǵary topta semeilik Mansur Nurpeiisov dál osy marapatqa ie boldy. Kishi topta jarystyń «Úzdik qorǵaýshysy» dep óskemendik Dmitrii Bokarev tanylsa, eresek top arasynda Zyrian aýdany komandasynyń oiynshysy Dmitrii Ýlanov osy marapatqa ie boldy. Glýbokoe aýdany quramasynyń múshesi Ivan Agapkin «Úzdik qaqpashy» marapatyna laiyq dep tanyldy. Al, «Juldyzsha» hokkei básekesiniń «Úzdik qorǵaýshy» ataǵyn ridderlik Kirill Kamenev ielendi. Sondai-aq, «Hokkei súier klýb» AQ-y Ulan aýdanynyń komandasyna arnaiy syilyq tabys etti. Al, eń úzdik jattyqtyrýshy nominatsiiasyna Erik Baibolov laiyq de tabyldy.
https://dalanews.kz/14586
