Bul týraly oblystyq maslıhat sesıasynda Danıal Ahmetov málimdedi.   Shyǵys Qazaqstanda densaýlyq saqtaý salasyn damytýǵa baǵyttalǵan úsh jyldyq keshendi josparǵa sáıkes, óńirdegi medısınalyq mekemeler zamanaýı qural-jabdyqtarmen qamtamasyz etiledi.



Aldaǵy tańda mejege alynǵan josparlardyń biri – Qazaqstandaǵy tuńǵysh robot tehnıkasy ortalyǵyn ashý.

– Dárigerler úshin jańa múmkindikterge bastaıtyn joba. Olardyń joǵary biliktiligi is júzinde tájirıbede qoldanylǵany qajet. Oblysta sonymen qatar, transplantologıa ortalyǵyn da ashý qajet, – dep atap ótti Danıal Ahmetov.

Oblysta onkologıa, qan aınalym júıesi aýrýlary, ana men balany qorǵaý, travmatologıa sıaqty mańyzdy baǵyttar boıynsha dárigerlerdiń biliktiligin arttyrýǵa baǵyttalǵan baǵdarlama da jemisti nátıjesin berýde. 150 maman aǵylshyn tilin meńgerip, olardyń deni sheteldik jetekshi oqý oryndarynda mashyqtanýdan ótip jatyr. Danıal Ahmetov atap ótkendeı, densaýlyq saqtaý salasyna bólinetin qarajat kólemi ulǵaımasa, qysqarmaıdy. Birneshe jylda Shyǵysta sapaly, jańa baǵyttaǵy medısına qalyptasady. Jańa mekemeler ashylady, olardyń ishinde Semeıdegi ıadrolyq medısınalyq ortalyq bar.

SHQO ákiminiń baspasóz qyzmeti

 

https://dalanews.kz/30258