«Meniń aýlam» atty shartty ataýy bar baǵdarlama Óskemen men Semeıdegi aýlalardyń árbir podezin jaryqtandyrýǵa, tıisti aýmaǵyn abattandyrýǵa, qajet bolǵan jaǵdaıda kógaldandyrýǵa arnalǵan.
– Biz abattandyrý qanshaǵa shyǵatynyn eseptep, aǵash otyrǵyzý máselesi qalaı sheshiletinin jan-jaqty zerdeleımiz. Aıta ketý kerek, aǵashtardy bizben birge turǵyndar da otyrǵyzatyn bolady. Bul mindetti abyroımen atqaratynymyzǵa senimdimin. Eshkim de beı-jaılyq tanytpaıdy dep oılaımyn, – dedi oblys ákimi Danıal Ahmetov.
Esterińizge sala ketsek, biraz ýaqyt buryn aımaq basshysy oblys ortalyǵynyń Pıter Komýnarlary kóshesindegi aýlalardyń biriniń turǵyndarymen kezdesip, barlyq jumystardyń ýaqtyly aıaqtalatynyn jetkizgen. Ákimniń jeke baqylaýyna alynǵan aýla endi basqalary úshin úlgi bolady.
