Bul jerde jartas sýretteri men petroglifteri bar alaptarymen ataqty Aqbaýyr shatqalynyń biregei tabiǵi landshaftary aiasynda Zeinolla Samashev sońǵy qola dáýirindegi jáne erte temir dáýirindegi qonys izderin tapty.
Sońǵy fakt erekshe qyzyǵýshylyq týdyrady, óitkeni Qazaqstan aýmaǵyndaǵy saqtardyń otyryqshy qonystary óte az zerttelgen, al eldiń shyǵysynda bul alǵash ret ashylyp otyr.
Bul jaǵdai ejelgi saq halyqtarynyń ekonomikasy men qoǵamdyq qurylymyn jańasha zerdeleý tásilderin ashady, óitkeni Dala keńistiginiń ertedegi kóshpendileriniń tek kóshpendi salt-ǵurpy jaiyndaǵy pikir árdaiym basym bolatyn.
Ataýy Aqbaýyr-1 atalǵan eldi mekenindegi kóp mólsherde dánúkkishter, keramikalar, qairaq tastar, jylqy, qoi, eshki súiekteri kóp mólsherde tabyldy. Bul osy jerdi mekendegen adamdar sharýashylyǵynyń keshendi sipatyn aiqyn dáleldeidi.
Jumys jetekshisi, professor Zeinolla Samashev atqandai, bul qonystyń shamamen ýaqyty b.z.d. XI - IX ǵǵ. S. Amanjolov atyndaǵy ShQMÝ stýdentteri men oqytýshylarynyń belsendi qatysýymen myńnan astam keramika synyqtarynyń fragmentteri men basqa da materialdar kameraldyq jaǵdaida óńdeledi.
Barlyq artefaktiler oblystyq etnografiialyq murajai qoryna beriledi.
