شىعىستا ارحەولوگيالىق سەنساسيا تابىلدى

Dalanews 10 ماۋ. 2019 08:15 765

9 ماۋسىمدا، بەلگىلى قازاقستاندىق ارحەولوگ زەينوللا ساماشيەۆ وبلىس اكىمى د. احمەتوۆتى ۇلان اۋدانى بەستەرەك اۋىلىنان سولتۇستىككە قاراي 3 شاقىرىم جەردە ورنالاسقان اقباۋىر تاۋىنداعى ارحەولوگيالىق ەسكەرتكىشتەردەن تابىلعان كەزەكتى سەنساسيالىق جاڭالىقپەن تانىستىردى.  

بۇل جەردە جارتاس سۋرەتتەرى مەن پەتروگليفتەرى بار الاپتارىمەن اتاقتى اقباۋىر شاتقالىنىڭ بىرەگەي تابيعي لاندشافتارى اياسىندا زەينوللا ساماشيەۆ سوڭعى قولا داۋىرىندەگى جانە ەرتە تەمىر داۋىرىندەگى قونىس ىزدەرىن تاپتى.

سوڭعى فاكت ەرەكشە قىزىعۋشىلىق تۋدىرادى، ويتكەنى قازاقستان اۋماعىنداعى ساقتاردىڭ وتىرىقشى قونىستارى وتە از زەرتتەلگەن، ال ەلدىڭ شىعىسىندا بۇل العاش رەت اشىلىپ وتىر.


بۇل جاعداي ەجەلگى ساق حالىقتارىنىڭ ەكونوميكاسى مەن قوعامدىق قۇرىلىمىن جاڭاشا زەردەلەۋ تاسىلدەرىن اشادى، ويتكەنى دالا كەڭىستىگىنىڭ ەرتەدەگى كوشپەندىلەرىنىڭ تەك كوشپەندى سالت-عۇرپى جايىنداعى پىكىر ءاردايىم باسىم بولاتىن.



اتاۋى اقباۋىر-1 اتالعان ەلدى مەكەنىندەگى كوپ مولشەردە دانۇككىشتەر، كەراميكالار، قايراق تاستار، جىلقى، قوي، ەشكى سۇيەكتەرى كوپ مولشەردە تابىلدى. بۇل وسى جەردى مەكەندەگەن ادامدار شارۋاشىلىعىنىڭ كەشەندى سيپاتىن ايقىن دالەلدەيدى.

جۇمىس جەتەكشىسى، پروفەسسور زەينوللا ساماشيەۆ اتقانداي، بۇل قونىستىڭ شامامەن ۋاقىتى ب.ز.د. XI - IX عع. س. امانجولوۆ اتىنداعى شقمۋ ستۋدەنتتەرى مەن وقىتۋشىلارىنىڭ بەلسەندى قاتىسۋىمەن مىڭنان استام كەراميكا سىنىقتارىنىڭ فراگمەنتتەرى مەن باسقا دا ماتەريالدار كامەرالدىق جاعدايدا وڭدەلەدى.

بارلىق ارتەفاكتىلەر وبلىستىق ەتنوگرافيالىق مۇراجاي قورىنا بەرىلەدى.


ۇسىنىلعان
سوڭعى جاڭالىقتار