Jergilikti turǵyndarǵa dóreki sóilep, balaǵat sózder aitqan Shilikti aýyldyq okrýginiń ákimi Qýanysh Tóleýhanǵa aiyppul salynýy múmkin, dep habarlaidy Dalanews.kz.
Jergilikti politsiia departamentiniń málimetinshe, 36 jastaǵy ákimge Ákimshilik quqyq buzýshylyq týraly kodekstiń 434-babynyń 1-bóligi («Qoǵamdyq oryndarda bylapyt sóileý») boiynsha shara qoldanylǵan.
Oǵan 20 ailyq eseptik kórsetkish (78 640 teńge) mólsherinde aiyppul salý nemese 15 táýlikke ákimshilik qamaýǵa alý jazasy qarastyrylǵan.
Eske salaiyq, áleýmettik jelilerde Shilikti aýyldyq okrýginiń ákimi Qýanysh Tóleýhannyń jergilikti turǵyndarǵa dóreki sóilep, balaǵat sózder qoldanǵan sáti túsirilgen video taraǵan bolatyn.
Kadrlardan aýyl turǵyndarynyń ákimniń qabyldaýyna kelip, onyń jumysyna qatysty suraqtar qoiǵany kórinedi. Sol sátte eki tarap arasynda sózge kelispeýshilik týyp, sheneýnik ózin ustai almai, balaǵat sózder aitqan.
