– Qazir óńirdiń infektsiialyq, provizorlyq aýrýhanalarynda 154842 ystyq túsiretin, 28442 virýsqa qarsy preparattar, 313518 antibiotik bar. Meditsina mekemelerinde dári joq, dep aqparat taratýshylar sózi jalǵan. Bul dáriler statsionarlarda bos oryn qalmaǵan kezde 1 aiǵa jetkilikti.
Osy oraida óńir basshysy Danial Kenjetaiuly aýdan, qala ákimderine aýrýhanalardaǵy dáriler týraly derekterdi jariialaýdy tapsyrdy, – deidi ShQO Densaýlyq saqtaý basqarmasy basshysynyń emdeý aldyn alý jumysy jónindegi orynbasary V. Li.
Óz kezeginde Jiger Baidildin men Marjan Bahyt tikelei efir tyńdarmandaryna qazirgi ýaqytta bizdiń oblysta, sondai-aq respýblikanyń ár óńirinde baǵany kóterý faktilerin anyqtaý úshin dárihanalarda reidter júrgizý boiynsha monitoringtik toptar qurylǵandyǵy týraly aqparat berdi. Monitoring barysynda, preparattardy qymbatqa qaita satýmen ainalysatyndar anyqtalyp, olar jaýapkershilikke tartylatyn bolady.
Tikelei efir barysynda spikerler dárilik zattardyń baǵasyn kóterý, qalanyń dárihanalaryna qajetti dári-dármekterdi jetkizý merzimderi jáne COVID-19-pen bailanysty jalǵan aqparat taratý týraly ýákiletti organdardyń qabyldaǵan sharalary týraly suraqtarǵa jaýap berdi.
Osyǵan bailanysty, eger siz dári-dármekterdiń baǵasyn kóterý faktilerine tap bolsańyz, jemqorlyqqa qarsy Call-center 1424 qońyraý shalý nemese «Adaldyq alańy» respýblikalyq jobalyq keńsesiniń WhatsApp-nómirine habarlaý qajet +7 702 000 24 94.
