Aýylsharýashylyq ónimderin óndirýmen aınalysatyn seriktestik bıylǵy jyly ónim túrlerin arttyrýdy kózdep otyr. Egis alqaptarynyń basym bóligi astyq jáne kúnbaǵys egýge arnalǵan.
Aıta ketý kerek, bıyl egis alqaby 1370,0 myń gektardy quraıdy. Egistik alqaptarynyń qurylymynda dándi-daqyldardyń úlesi 560 myń gektardy jáne maıly daqyldar 480 myń gektardy quraıdy. Ósimdik sharýashylyǵyn damytýǵa sońǵy úsh jylda 29,4 mlrd tenge qarjy bólindi.
Jalpy, óńirde aýylsharýashylyq salasy qarqyndy damyp keledi. Shyǵys Qazaqstan elimiz boıynsha sút sharýashylyǵy boıynsha aldyńǵy orynda.
Osy rette oblys basshylyǵy sút fermalaryn damytýǵa erekshe kóńil bólýde. Búgingi tańda oblysta 67 sút fermasy jumys isteıdi, onyń kómegimen 2020 jyly oblystyń óńdeýshi kásiporyndaryna 160,0 myń tonna sút satý josparlanýda. Sonymen qatar óńirde jylyna 200 myń tonna ónim shyǵaratyn maı zaýyty salynýda.
