Qasietti Oraza Ait merekesiniń birinshi kúninde Qazaqstan Musylmandary Dini basqarmasynyń ShQO ókildigi arnaiy qurylǵan Qazaqstan halqy Assambleiasymen, joǵary oqý oryndarynyń stýdent jastarymen, óńirlik Dostyq úiimen jáne qoǵamdyq uiymdarmen birlese otyryp, kóktemgi sý tasqynnan zardap shekken Soltústik óńirine gýmanitarlyq kómek jiberdi, dep habarlaidy Dalanews.kz.
Tasqynnan zardap shekken aimaqtar úshin kómek qolyn sozýǵa búkil oblys turǵyndary belsene qatysyp, eriktilerden quralǵan front-ofisiniń shtaby negizinde 19 tonna gýmanitarlyq kómek jinady. 
"Búkil Shyǵys jurty qiyn jaǵdaiǵa tap bolǵan baýyrlarymyzǵa kómek jinap, barynsha qoldaý bildirýge niet etti.
Óńir turǵyndary erikti negizde kún-tún demei qabyldaý pýnkterine azyq-túlik, tósek-oryn jabdyqtaryn, qurylysqa qajetti zattardy ákelip, qamqorlyq pen qoldaý tanytyp jatty.
Oblysymyzdyń turǵyndaryna aitar alǵysymyz sheksiz. El basyna kún týǵanda tatýlyǵymyzdy tanytý ári nyǵaitý – óte mańyzdy", - dedi QMDB Óskemen óńiri boiynsha bas imamy Ermek qajy Muqatai.
Sonymen qatar oblystyq "Halifa Altai" meshiti 1,5 mln teńge kóleminde qarjylai kómek kórsetti.
