«15 mamyrǵa deiin jer máselesine núkte qoiylyp, ony sheteldikterge berý týraly oiynan bilik qaitpasa, biz alańda ashtyq jariialaimyz!», – dedi ol.
«Ózderińiz oilap kórińizder: aǵash otyrǵyzyp, gúl egip, orman ósirý úshin jerdi 25 jylǵa sheteldikterge berýdiń qandai qajeti bar? Ári qai sheteldik qazaqty jarylqap, jerin gúldendireiin dep aqshasyn salady, kúshin jumsaidy? Iaǵni, munyń astarynda quityrqylyq bar degen sóz. 2016 jyly jappai mitingilerden soń biliktiń aýzy kúiip, endi túlki bulańǵa salyp otyr. «Orman ósirýge ǵana beremiz» dep halyqty aldap soǵyp, jerimizdi saýdaǵa salmaq.
Biz buǵan túbegeili narazymyz. Naqty talap oryndalýy tiis: «Qazaqstannyń jeri, meili ol qai baǵyttaǵy bolsyn, sheteldikterge jalǵa berilmeidi ári satylmaidy» degen bap kodekske enýi tiis! Onsyz biz jerden, Otanymyzdan airylamyz! Eger senat qabyldap, Toqaev oǵan qol qoisa, jerdi saýdaǵa salý bastalady! Buǵan shydap otyrý múmkin emes!», – dep jazady J.Mamai.
24 sáýirde Janbolat Mamai bastaǵan bir top adam jer máselesine qatysty ruqsat etilmegen mitingige shyqqan bolatyn.
