Aqmola oblysynyń Shýchinsk qalasynda toǵyz qabatty turǵyn úiden órt shyǵyp, 75 adam evakýatsiialandy. Olardyń arasynda 20 bala bar, dep habarlaidy dalanews.kz.
22 qazanǵa qaraǵan túni Shýchinsk qalasyndaǵy toǵyz qabatty turǵyn úidiń bir kireberisindegi lift shahtasynda qoqys órtengen.
Oqiǵa ornyna kelgen qutqarýshylar 75 turǵyndy, onyń ishinde 20 balany qaýipsiz jerge shyǵardy. Adamdardyń bir bóligi baspaldaq arqyly evakýatsiialansa, qalǵandary órt sóndirý avtosatysynyń kómegimen qutqarylǵan.
Órt tolyq sóndirildi. Tótenshe jaǵdailar ministrliginiń málimetinshe, oqiǵadan eshkim zardap shekpegen. Qazir mamandar órttiń shyǵý sebebin anyqtap jatyr.
