Almaty q. Qoǵamdyq densaýlyq saqtaý basqarmasynyń usynysy boıynsha, maskalardyń kóbi COVID-19 dıagnozy rastalǵan pasıentterdi emdeıtin jáne ınfeksıasy bar bolýy múmkin pasıentterdi baqylaıtyn barlyq ınfeksıalyq stasıonarlarǵa jiberildi. Sonymen qatar respırator maskalary basqa da medısınalyq mekemelerge tapsyryldy.
Durys paıdalanǵan jaǵdaıda ICAP satyp alǵan FFP2 qorǵanys klasty respırator maskalar medısınalyq qyzmetkerlerdi SOVID-19 vırýsynyń aýa-tamshyly berilýinen joǵary deńgeıde qorǵaıdy.
Qazaqstan Respýblıkasymen 27 jyldan astam seriktestigi barysynda “Shevron” kompanıasy jergilikti medısınalyq mekemelerdiń ınfraqurylymdaryn jaqsartýǵa jáne qazaqstandyq dárigerlerdiń áleýetin damytýǵa baǵyttalǵan kóptegen jobalardy iske asyrdy.
Bıylǵy jyldyń naýryzynda kompanıa Almaty balalar ınfeksıalyq aýrýhanasynda COVID–19 vırýsyna shaldyqqan pasıentterdi emdeý úshin eki joǵary tehnologıalyq IVL (ókpeni jasandy jeldetý) apparatyn ornatty.
Sonymen qatar sáýir aıynda “Shevron” ICAP ortalyǵymen birge Densaýlyq saqtaý mınıstrligine Qytaıdan COVID–19 boıynsha mamandar delegasıasynyń saparyn uıymdastyrýǵa kómektesti.
“Qytaı mamandarynyń kelýi óte oryndy ári paıdaly boldy. Onlaın semınarlar barysynda Qazaqstannyń barlyq aımaqtaryndaǵy dárigerler qytaılyq áriptesterimen COVID–19 dıagnostıkasy jáne emdeý tájirıbesin, sonymen qatar Qytaıda paıdalanatyn vırýstyń odan ári taralýyn epıdemıologıalyq baqylaý ádisterin talqylady”, – deıdi ICAP Orta Azıa elderindegi dırektory Anna Derábına.
ICAP ortalyǵy AQSH, Nú-Iork q. Meılman at. Kolýmbıa ýnıversıtetiniń qoǵamdyq densaýlyq saqtaý mektebiniń bóligi. Ortalyq jumysynyń negizgi maqsaty otbasylar men qaýymdastyqtar densaýlyǵyn jaqsartý bolyp tabylady.
Búgingi tańda ICAP 30-dan astam elde densaýlyq mınıstrlikterine densaýlyq saqtaý júıelerin nyǵaıtý, medısına qyzmetkerlerin oqytý, densaýlyq saqtaý salasynda ınovasıalyq ádisterdi ázirleý jáne is júzinde paıdalaný salasynda konsýltasıalyq-ádistemelik kómek kórsetetin jáne iri aýqymdy zertteý jobalaryn júrgizetin iri halyqaralyq uıym.
Qazaqstan Respýblıkasynda ICAP 2011 jyldan beri AITV ınfeksıalary boıynsha baǵdarlamalardyń tıimdiligin arttyrý máseleleri boıynsha Densaýlyq saqtaý mınıstrligimen tyǵyz jumys istep keledi.
