Sheteldik azamattardyń emhanaǵa tirkelý erejeleri ózgerdi
Qazaqstan aýmaǵyna ýaqytsha kelgen sheteldikter men olardyń otbasy músheleri QR «Mindetti áleýmettik meditsinalyq saqtandyrý týraly» Zańynyń 3-baby, 2-tarmaǵy boiynsha MÁMS júiesinde qazaqstandyq azamattarmen birdei quqyqtardy paidalanady jáne mindetter atqarady.
– Elektrondyq úkimettiń veb-portaly arqyly bekitý www.egov.kz. «Densaýlyq saqtaý» bóliminde «Meditsinalyq-sanitariialyq alǵashqy kómek kórsetetin meditsinalyq uiymǵa tirkelý» qyzmetin tańdaý qajet. Halyqtyń jekelegen sanattary úshin emhanaǵa bekitý erkin nysandaǵy ótinishpen jáne jeke basyn kýálandyratyn qujatpen tikelei júgingen kezde júrgiziledi. Bul ádis zań boiynsha bala kezinen múgedek bolyp taǵaiyndalǵan zeinetkerlerge, múgedekterge, qamqorshylarǵa, patronat tárbienýshilerine, koloniialarda jazasyn ótep jatqan sottalýshylarǵa, stýdentterge, merzimdi áskeri qyzmetshilerge, shet memleketterde týylǵan balalarǵa jáne senimhat boiynsha tirkeýdi júzege asyratyn adamdarǵa ǵana qol jetimdi, – dedi Laýra Dildábekqyzy.
«QR DSM «Respýblikalyq elektrondyq densaýlyq saqtaý ortalyǵy» ShJQ RMK Túrkistan oblysy boiynsha filialynyń ókili Ulyqbek Ońalbaevtyń aitýynsha, tirkelýge qoljetimdi emhanalardyń tizimimen qordyń www.fms.kz saitynda «Emhanany tańdaý» bóliminde tanysýǵa bolady. Naýqan kezinde MSAK uiymyna bekitile otyryp, azamattar meditsinalyq kómekti 2022 jyldyń 1 qańtarynan bastap ala bastaidy. Iaǵni, jyl sońyna deiin azamattarǵa buryn tirkelgen emhanada qyzmet kórsetiledi.
