Qarjylyq monitoring agenttigi materialdyq paida alý maqsatynda alys shetelderden kólik quraldaryn zańsyz bastapqy tirkeýdi júzege asyrǵan adamdar tobyn anyqtady, - dep habarlaidy Dalanews.kz.
Bul tulǵalar 2021 jyldyń maýsym-tamyz ailary aralyǵynda júieli negizde materialdyq syiaqy úshin Pavlodar oblysynda 150-den astam júk kólikterin bastapqy tirkeýge zańsyz qoiýdy júzege asyrǵany anyqtaldy.
Olar alǵashqy tirkeý úshin alym tólengeni týraly jalǵan túbirtekterdi paidalanyp, aqparattyq júiege kórineý jalǵan málimet engizgen. Bul jait bastapqy tirkeý úshin tóleýden jaltaryp, memleketke jalpy somasy 1,5 mlrd teńgeden astam zalalǵa ákep soqtyrdy.
Sottyń sanktsiiasymen barlyq zańsyz tirkelgen kólik quraldaryna tyiym salyndy, kúdiktilerge qatysty «qamaýda ustaý» jáne «úi qamaqqa alý» túrindegi bultartpaý sharalary tańdaldy.
QR QPK-niń 201-babyna sáikes tergeý múddesi úshin ózge de aqparat jariialaýǵa jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
