2024 jylǵy 28 mamyrda UQK prokýratýranyń úılestirýi jáne Almaty qalasy polısıasynyń kómegimen terorızmdi nasıhattady degen kúdikpen 2 sheteldik azamatty ustady, - dep habarlaıdy Dalanews.kz.
Tergeý málimeti boıynsha olar buryn uzaq ýaqyt shetelde ómir súrip, radıkaldy dinı ıdeologıaǵa tartylǵan.
"Qazaqstanǵa bıyl kelgen, turaqty jumystary bolmaǵan. Qylmystyq kodekstiń 256-babynyń 2-bóligi boıynsha sotqa deıingi tergeý júrgizilip jatyr", - dep habarlady UQK.
Qylmystyq-prosestik kodekstiń 201-baby 1-bóligine sáıkes ózge aqparat jarıa etilmedi.
