Kórshiles memleketterde izdeýde júrgen sheteldik qylmyskerler Kazaqstanda ustaldy, – dep habarlaıdy Dalanews.kz Polisia.kz-ke siltep.
Ótken aptada İİM krımınaldyq polısıa departamentiniń qyzmetkerleri kórshiles memleketterde izdeýde júrgen qylmyskerlerdi ustady. Bul týraly QR İİM krımınaldyq polısıa departamentiniń bastyǵy Qanat Nurmaǵambetov aıtty.
Túrkistan oblysynda Reseı Federasıasynyń Samara qalasynda 2023 jyldyń sáýir aıynda óziniń tanysyn óltirgeni úshin izdeýde júrgen Tájikstan Respýblıkasynyń azamaty ustaldy. 2023 jyldyń qazan aıynan beri izdeýde bolǵan.
Almaty oblysy Qaskelen qalasynda 2021-2023 jyldar aralyǵynda Tashkent oblysynda kóppáterli úılerdi jóndeý barysynda jalǵan qujattardy usyný arqyly alaıaqtyq jolmen 180 mln 476 myń som qarajatyn ıemdengen Ózbekstan Respýblıkasynyń azamaty ustaldy. 2023 jyldyń qarasha aıynan beri izdeýde bolǵan.
Almaty qalasynda Bishkekte óziniń ógeı qyzyn zorlaǵany úshin 47 jastaǵy Túrkıa Respýblıkasynyń azamaty ustaldy. Qyrǵyz Respýblıkasynyń quqyq qorǵaý organdarymen izdeýde bolǵan. Qyzylorda qalasynda 2022 jyly Reseı Federasıasynyń Sochı qalasynyń turǵynynan aldaý arqyly 1 mln reseı rýblin alyp, óz qajettiligine jumsap jibergen 30 jastaǵy Reseı Federasıasynyń azamaty ustaldy.
Osy jyldyń sáýir aıynan bastap izdeýde bolǵan. Qabyldanǵan sharalar nátıjesinde İİM qyzmetkerleri izdeýde júrgen 1495 qylmyskerdi ustap, 1000-nan astam habar osharsyz ketken azamattyń júrgen jerlerin anyqtady. Sondaı-aq elimizdiń aýmaǵynda shet elderde izdeýde júrgen 642 qylmysker ustaldy.
