Kókónis sharýashylyǵy salasynyń mamandary Qonaev qalasyna qarasty Sheńgeldi aýylyndaǵy piiaz qoryndaǵy jaǵdaiǵa qatysty pikir bildirdi, dep habarlaidy Dalanews.kz.
Qonaev qalasynda (Sheńgeldi massivinde) 16 myń tonna piiaz saqtalǵanyn esterińizge salamyz.
Dál qazir arnaiy Sheńgeldide piiazdy satýda másele týyndady. Degenmen, 2024 jyldyń qańtar aiynyń basynda oblystyq aýyl sharýashylyǵy basqarmasy bul máseleni sheshýdiń úsh nusqasyn usynǵanyn aita ketken jón.
• Birinshi nusqa – kókónistiń osy kólemin satyp alý týraly sheteldik kompaniiamen kelissózder júrgizý.
• Ekinshi nusqa – "Altyn Orda" bazarynda satylatyn tegin alań uiymdastyrý.
• Úshinshi nusqa – basqa óńirlerdiń kásipkerlerin piiaz satyp alýǵa qyzyqtyrý.
Degenmen, keibir piiaz óndirýshiler baǵa kóterilgenshe kútýdi jón kórdi. Máselen, 2023 jyly piiazdyń baǵasy kelisine 200 teńge boldy. Qazirgi ýaqytta Almaty oblysynyń aýyl sharýashylyǵy basqarmasynyń shaqyrýymen piiaz satyp alýǵa sheteldik kásipkerler keledi dep kútilýde. Aldyn ala 5-7 tonna piiazdy naryqtyq kelisilgen baǵamen satyp alý josparlanýda.
Bazarda Eýropaǵa eksporttaý úshin 1 myń tonna piiaz satyp alýǵa daiyn ekendikterin bildirgen saýdagerler de bar.
jáne Ońtústik piiaz jáne kókónis sharýashylyǵy qaýymdastyǵynyń uiymdastyrýymen.
"Almaty oblysy Sheńgeldi aýyly piiaz óńdeý boiynsha, oblysta birinshi orynda tur. Jyldyq ónimi 50-60 myń tonnany quraidy. 2023jylǵy kórsetkish boiynsha 60 myń tonna óndirilip, onyń 30 myń tonnasy kúzgi maýsymda satyldy, qalǵan 30 myń tonnasy qoimaǵa saqtaýǵa berildi.
Búgingi kúni saqtalǵan 30 myń tonnanyń 20 myń tonnasy syrtqy jáne ishki naryqqa satylymǵa qoiyldy. 10 myń tonna ónim satylymǵa qoiylmady, sebebi naryqtaǵy baǵanyń tómendeýine bailanysty kelispeý bolǵandyqtan, ónim satylmai qoimada saqtaýly kúide tur. Qazirgi tańda elimizdiń aýqymdy iri saýda oryndarymen baǵa boiynsha kelisimder júrgizilýde" - dedi "Altai" firmasy JShS – direktory Nurbekov Nurlan Asqaruly.
