Antıkorrýpsıalyq qyzmet ókilderi Din isteri jáne azamattyq qoǵam mınıstrligi komıtetiniń basshysynyń orynbasaryn sybaılas jemqorlyqqa qatysty kúdikpen ustady, – dep habarlaıdy Tengrinews.kz vedomstvonyń baspasóz qyzmetine silteme jasap.

"Sybaılas jemqorlyqqa qarsy is-qımyl Ulttyq búrosynyń Astany boıynsha departamentiniń qyzmetkerleri QR Din isteri jáne azamattyq qoǵam mınıstrliginiń azamattyq qoǵam jónindegi komıtetiniń tóraǵasynyń orynbasary B.Mýsındi ustady, ol memlekettik satyp alýǵa qatysýshylardyń múddesin lobbılegeni úshin júıeli negizde para alyp otyrǵan", – dep habarlady vedomstvo ókilderi.

Baspasóz qyzmetiniń ókilderiniń aıtýynsha, B.Mýsın kásipkerden paranyń kezekti 400 myń teńge somasyndaǵy bóligin alý ústinde ustalyp, Astana qalalyq İİD ýaqytsha ustaý ızolátoryna qamalǵan. Paranyń jalpy somasy – 1,4 mıllıon teńge. Tergeý júrip jatyr.

 

https://www.youtube.com/watch?v=KCLppOINFnA